बझाङ – बझाङको थलरा गाउँपालिकाको अध्यक्षमा एमाले र उपाध्यक्षमा कांग्रेसका उम्मेदवारले जित हासिल गरेका छन् । 

अध्यक्षमा निर्वाचित एमालेका प्रकाश रोकायाले २ हजार ७ सय ७४ मत प्राप्त गर्नुभएको छ । उहाँका प्रतिस्पर्धी स्वतन्त्र उम्मेदवार कुलराज जोशीले २ हजार १ सय १३ मत प्राप्त गर्नुभएको छ । सत्ता गठबन्धनका तर्फबाट नेकपा (एकीकृत समाजवादी) का उम्मेदवार विनोद थापाले १ हजार २ सय ३ मत प्राप्त गर्नुभएको छ । 

उपाध्यक्षमा गठबन्धनका तर्फबाट कांग्रेसका राम खाती विजयी हुनुभयो । उहाँले ३ हजार १ सय ५० मत प्राप्त गर्नुभयो । उहाँका प्रतिस्पर्धी एमालेकी मीरा रावलले २ हजार ५ सय ८७ मत प्राप्त गर्नुभएको छ । 

वडातर्फ एमालेले ३, नेकपा (माओवादी केन्द्र) ले २, कांग्रेसले २ र एकीकृत समाजवादीले १ वटा वडा जितेका छन् ।