कास्की – पोखरा महानगरपालिकाकाे मेयरमामा गठबन्धनबाट नेकपा एकीकृत समाजवादीका धनराज आचार्यले अग्रता कायमै राख्नुभएकाे छ । 

अहिलेसम्म ६९ हजार नाै सय ६८ मतगणना हुँदा आचार्यले २८ हजार पाँच सय ६३ मत प्राप्त गर्नुभएकाे छ । उहाँका प्रतिस्पर्धी नेकपा एमालेका कृष्ण थापाले २५ हजार तीन सय ५७ मत प्राप्त गर्नुभएकाे छ । आचार्य र थापाबीच तीन हजार दुई सय ६ मतकाे अन्तर रहेकाे छ । 

यस्तै राप्रपाका शंकर खरालले तीन हजार ६५ र स्वतन्त्र उम्मेदवार गनेश पाैडेलले एक हजार आठ सय २२ मत प्राप्त गरेका छन् । 

उपमेयरमा भने नेकपा एमालेकी मञ्जु गुरुङकाे अग्रता कायमै छ । पछिल्लो मतपरिणाम अनुसार उहाँले एक सय २० मतले नेपाली कांग्रेसकी कोपिला रानाभाटलाई पछि पार्नुभएकाे छ । गुरुङले २९ हजार २० मत प्राप्त गर्दा रानाभाटले २८ हजार नाै सय मत प्राप्त गर्नुभएकाे छ । 

यस्तै उपमेयरमा राप्रपाकी उम्मेदवार रञ्जना सेनले दुई हजार आठ सय ८० मत प्राप्त गर्नुभएकाे छ ।