काठमाण्डौमा यात्रुका दु:ख : सार्वजनिक गाडीमा यात्रा गर्नै सास्ती (फाेटाे फिचर)

जेठ १४, २०७९ शनिबार १०:१२:५ | उज्यालो सहकर्मी

काठमाण्डाै - काठमाण्डौ उपत्यकाभित्रको यात्रा दिनप्रतिदिन कष्टकर बन्दैछ । यहाँका सडकमा गुड्ने सार्वजनिक यातायातमा अत्यधिक भिड लाग्ने गर्छ ।

सङ्घीय राजधानीका कारण जनघनत्वको चाप र त्यसलाई व्यवस्थित गर्न नसक्नुले पनि काठमाण्डौमा भनेजस्तो यात्रा गर्न सहज छैन । सार्वजनिक यातायात अव्यवस्थित र असुरक्षित छँदैछ भने अर्कोतिर निजी गाडीमा यात्रा गर्दा पनि ट्राफिक जामको कारण समयमै गन्तव्यमा पुग्न सकिँदैन ।

काठमाण्डौ उपत्यकाभित्र चल्ने सार्वजनिक यातायातले जहाँतहीँ रोकेर यात्रु चढाउने र ओराल्ने गर्दा एकातिर यात्रुहरु चाँडै गन्तव्यमा पुग्न सक्दैनन् भने अर्कोतिर ट्राफिक नियमको पालना हुँदैन । सार्वजनिक गाडीमा यात्रा गर्ने यात्रुहरुको गाडीबाट नै मोबाइल, पैसा हराएका घटनाहरु पनि बेलाबेलामा सार्वजनिक भइरहेका हुन्छन् ।

नियमानुसार सिटभन्दा बाहेक यात्रु राखे ट्राफिक कारबाही भोग्नुपर्छ । तर ट्राफिक प्रहरीकै अगाडि यात्रु कोचेर सार्वजनिक गाडी चलाउने गरिएको छ । यसरी चलाएबापत सार्वजनिक यातायातले दण्डित हुनुपर्दैन । गाडी नपाउँदा यात्रु पनि कोचिएर/झुन्डिएर यात्रा गर्न बाध्य छन् ।

सार्वजनिक यातयातमा कष्टकर यात्रासँगै यात्रुका लागि दुर्घटनाको जोखिमसमेत बढेको छ । शनिवार र आइतवार सार्वजनिक बिदा भएकाले पनि अन्य दिन सडकमा भिड बढेको हाे । निजी तथा सरकारी कार्यालय एकै समयमा खुल्नु पनि गाडी चाप हुनुकाे एउटा कारण हो ।

काठमाण्डौ टुँडीखेल आसपास बजारको विस्तार, चक्रपथबाहिर सरकारी तथा कर्पोरेट कार्यालय नहुनुले पनि सार्वजनिक यातायात भरिभराउ हुन्छन् । काठमाण्डाैमा व्यवस्थित बसपार्कको अभावमा पनि सडकमा भिड बढ्ने गरेको छ ।

पछिल्लो समय बस पार्कमा पुगेर आरामले बस चढ्न र गन्तव्यमा जानसक्ने अवस्था छैन ।

तस्बिर : न्युज एजेन्सी नेपाल

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्