उज्यालो सहकर्मी भावुक योगी स्वतन्त्र पत्रकार सङ्घबाट सम्मानित

जेठ २२, २०७९ आइतबार १६:१७:२३ | उज्यालो सहकर्मी

बर्दिया – उज्यालोका बर्दिया सहकर्मी भावुक योगी स्वतन्त्र पत्रकार सङ्घ नेपाल लमजुङ शाखाबाट सम्मानित हुनुभएको छ । नवलपुरको गैँडाकोट नगरपालिका मौलाकालिका मन्दिरमा हिजो शनिवार आयोजित स्वतन्त्र पत्रकार सङ्घको दशौँ वार्षिक सधारण सभा तथा चौथो राष्ट्रिय महाधिवेशनको उद्घाटन कार्यक्रममा रेडियो टाइगर बर्दियाका प्रबन्धकसमेत रहनुभएका योगी कदरपत्रसहित सम्मानित हुनुभएको हो ।

राष्ट्र, राष्ट्रियता, समाज उत्थान र सु–शासनका पक्षमा पत्रकारिताका माध्यमबाट खबरदारी, साझेदारी एवम् पहरेदारी गर्दै स्वतन्त्र पत्रकारिताको पृष्ठपोषणमा पुर्‍याएकाे योगदानको कदर गर्दै योगीलाई सम्मान गरिएको प्रतिभा चयन समितिका संयोजक नवराज पहाडीले बताउनुभयो ।

कार्यक्रमका प्रमुख अतिथि गैँडाकोट नगरपालिकाका मेयर मदनभक्त अधिकारी, सङ्घका संस्थापक अध्यक्ष कृष्णप्रसाद बास्तोला र सङ्घका अध्यक्ष के.बी मसालले संयुक्त रूपमा पत्रकार योगीलाई खादा ओढाएर नगदसहित सम्मान पत्र प्रदान गर्नुभएको हो ।

स्वतन्त्र पत्रकारितामार्फत सञ्चारमाध्यमबाट समाचार सम्प्रेषणमा योगदान पुर्याएको भन्दै महाधिवेशनमा पत्रकार योगीसँगै मकवानपुरका पत्रकार सुरेश श्रेष्ठ र पोखराकी पत्रकार तिर्सना गुरुङलाई पनि नगदसहित सम्मान गरिएको छ ।

स्वतन्त्र पत्रकार सङ्घ लमजुङ शाखाका पूर्वअध्यक्ष चन्द्रकान्त पौडेलले हरेक वर्ष देशभरका पत्रकारहरूमध्ये एक जना क्रियाशील पत्रकारलाई सम्मान पत्र र सात हजार पाँच रुपैयाँ नगदसहित सम्मान गर्ने गरिएको बताउनुभयो । कोभिडका कारण प्रभावित भएका २०७६, २०७७ र २०७८ गरी यस पटक एकै पटक तीन जनालाई सम्मान गरिएको हो ।

सञ्चारमाध्यममार्फत वन, वन्यजन्तु र जैविक विविधता संरक्षणमा योगदान गरेको भन्दै पटक–पटक पत्रकार योगी सम्मानित हुँदै आउनुभएको छ ।

यसैगरी कोभिडकै कारण प्रभावित भएको प्रजातन्त्र सेनानी लीलाभक्त आचार्यद्वारा स्थापित सामाजिक पत्रकारिता पुरस्कार २०७७ र २०७८ क्रमशः कास्कीका वरिष्ठ पत्रकार भूपनिधि पन्त र मोरङका मोहन भण्डारीलाई नगदसहित सम्मान पत्र प्रदान गरिएको छ । चन्द्रकान्त पौडेल गोरखापत्र बाजेको स्मृतिमा स्थापित युवा प्रोत्साहन पुरस्कार २०७७ र २०७८ क्रमशः बाँकेका नमस्कार शाह र झापाका नरेन्द्र ढकाललाई प्रदान गरिएको छ । यस्तै महिला सम्मान पुरस्कार २०७७ र २०७८ क्रमशः नवलपुरकी सविता तिवारी र दाङकी डिलाकुमारी चौधरीलाई प्रदान गरिएको छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्