बर्दियाको मधुवनमा गोली चलाउने आदेश थिएन, गल्ती गरेको पाइए कारबाही हुन्छ : गृहमन्त्री खाण

जेठ २४, २०७९ मंगलबार १३:५९:४४ | उज्यालो सहकर्मी

काठमाण्डाै – गृहमन्त्री बालकृष्ण खाणले बर्दियामा प्रमुख जिल्ला अधिकारीले गोली चलाउन आदेश नदिएको बताउनुभएको छ ।

प्रतिनिधि सभाको आज मङ्गलवारकाे बैठकमा सांसदले बर्दियाको मधुवनमा प्रहरीको गोली लागेर युवतीको ज्यान गएको विषयमा सरकारको जवाफ मागेपछि उत्तर दिँदै गृहमन्त्री खाणले नागरिकले गर्ने अवरोध तथा भिडमा गोली चलाउन सरकारले आदेश नदिने बताउनुभयो । ‘नागरिकहरूको यस्तो अवरोध, भिडमा गोली चलाउने आदेश छँदै छैन । नेपाल सरकार, गृह मन्त्रालयको निर्देशनअनुसार सम्झाइबुझाइ गर्ने, बरु सर्वपक्षीय/सर्वदलीय बैठक गरेर समस्या समाधान गर्ने र कम भन्दा कम शक्ति प्रयोग गर्ने भन्ने हो । गोली प्रहार गर्ने त आदेशै छैन’, उहाँले भन्नुभयो ।

बर्दियाको मधुवनमा प्रहरीको गोली लागेर युवतीको ज्यान गएको विषयमा छानबिन गर्न गृह मन्त्रालयले छानबिन समिति गठन गरेको मन्त्री खाणले जानकारी दिनुभयो । छानबिन समितिले दिएको प्रतिवेदनका आधारमा दोषीलाई कारबाही हुने उहाँकाे भनाइ छ । मृतकलाई राहत, घाइतेको उपचार, वन्यजन्तुको आक्रमण घटाउन अपनाइने उपाय लगायतका विषयमा सरकार प्रतिबद्ध रहेको खाणको भनाइ छ ।

हिजो साेमवार मधुवनमा बाघको आक्रमणबाट एक जना घाइते भएपछि स्थानीयवासीले वन्यजन्तु नियन्त्रण गर्न माग गर्दै गुलरिया–राजापुर अवरोध गरेका थिए । स्थानीयवासीको प्रदर्शनकै क्रममा प्रहरीले गोली चलाउँदा १८ वर्षीया नविना चौधरीको ज्यान गएको छ भने एक जना गम्भीर घाइते भएका छन् । मधुवन क्षेत्र अहिले पनि अशान्त रहेको छ ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बर्दियाको मधुवनमा गोली चलाउने आदेश थिएन, गल्ती गरेको पाइए कारबाही हुन्छ : गृहमन्त्री खाण

फाइल फाेटाे

तपाईको प्रतिक्रिया