बाग्मती, गण्डकी, लुम्बिनी र कर्णालीका केही ठाउँमा दिउँसोपछि ह...
बैशाख ८, २०८१ शनिबार
काठमाण्डाै – नेकपा एमालेका सांसद भीम रावलले इम्बोस्ड नम्बर प्लेटमा चार अर्ब रुपैयाँसम्म घोटाला हुनसक्ने आशङ्का व्यक्त गर्नुभएको छ । आज मङ्गलवार प्रतिनिधि सभाको बैठकमा बोल्दै सांसद रावलले इम्बोस्ड नम्बर प्लेटमा तीनदेखि चार अर्ब रुपैयाँ घोटाला हुनसक्ने आशङ्का व्यक्त गर्नुभएको हो ।
उहाँले भन्नुभयो, ‘गाडीमा इम्बाेस्ड नम्बर प्लेट राख्ने कुरा छ । ठेक्का हुँदाकाे र अहिलेको रकम हेर्दा झन्डै तीन/चार अर्ब रुपैयाँको घोटाला हुनेजस्तो देखिन्छ । अहिले झन्डै चार हजार गाडीलाई त्यो प्लेट दिइएकोमा १५ सय गाडीको त एक वर्षमै त्यो प्लेट काम नलाग्ने भयो भनेर समाचार सञ्चारमाध्यममा आएको छ ।’
सांसद रावलले संविधानअनुसार सरकारी कामकाजको भाषा नेपाली हुनुपर्ने भए पनि इम्बोस्ड नम्बर अङ्ग्रेजी भाषामा गरिएकोप्रति असन्तुष्टि व्यक्त गर्नुभयो । उहाँले इम्बोस्ड नम्बर प्लेट बनाउन दिइने कम्पनी नै विश्व बैंकको कालोसूचीमा रहेको बताउनुभयो । विदेशी कम्पनीलाई बायोमेट्रिक गर्न दिन नहुने पनि उहाँकाे भनाइ छ ।
bishnu roka
June 7, 2022, 11:58 p.m.यो कुरा त पहिले नै अनुमानित थियो ...तर यिनीहरुले नागरिकलाई धेरै दु:ख दिएका छन् / आफूलाई जे जसो गर्दा कमिसन आउँछ, उसै उसै गर्छन / नागरिकले संधै सरकारलाई बुझाउँदा बुझाउँदा देश मात्रै हैन , नागरिक पनि ऋणमा डुब्न लागिसके /