वाग्मती, गण्डकी र प्रदेश-१ का केही ठाउँमा दिउँसो पनि पानी पर्ने

जेठ ३०, २०७९ सोमबार ८:२८:५३ | उज्यालो सहकर्मी

काठमाण्डौ - काठमाण्डौसहित वाग्मती, गण्डकी र प्रदेश-१ का केही ठाउँमा रातिदेखि पानी परेकोे छ ।

यी प्रदेशका धेरै ठाउँमा दिउँसो पनि पानी पर्ने मौसम पूर्वानुमान महाशाखाले जनाएको छ ।

हिजो अस्ति लगातारजसो पानी परेको मधेस प्रदेशमा भने आज खासै पानी पर्ने सम्भावना नरहेको मौसमविद्ले बताएका छन् ।

वाग्मती, गण्डकी र प्रदेश-१ मा भने आज हल्कादेखि मध्यम खालको वर्षा हुने अनुमान गरिएको मौसमविद् हिरा भट्टराईले जानकारी दिनुभयो । उहाँका अनुसार अहिलेसम्म चार प्रदेश वाग्मती, गण्डकी, मधेस प्रदेश र प्रदेश-१ मा मनसुनी गतिविधि सक्रिय छ । लुम्बिनी प्रदेशको भने आंशिक क्षेत्रमा मात्रै मनसुन प्रवेश गरेको छ । अब मनसुन कर्णाली प्रदेशतर्फ सर्दै गरेको पनि मौसमविद् भट्टराईले जानकारी दिनुभयो ।

पानी पर्ने सम्भावना रहेकाले यात्रा गर्दा वा घाँस दाउरा गर्दा सतर्कता अपनाउन मौसमविद्काे आग्रह छ । भिरालो जमिनमा घाँस दाउरा गर्दा चिप्लिएर लड्ने तथा पहिरो जाने जोखिम हुन सक्छ । मुख्य राजमार्गहरुमा पहिरोको जोखिम रहेकाले यात्रा गर्नुअघि सडकको अवस्थाबारे जानकारी लिन समेत मौसमविद्को सुझाव छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्