ठेक्का प्रणालीबाट नेपालमा मल ल्याउन गाह्राे छ : मन्त्री यादव

जेठ ३०, २०७९ सोमबार १७:१५:३३ | उज्यालो सहकर्मी

काठमाण्डाै – कृषि तथा पशुपक्षी विकास मन्त्री महेन्द्रराय यादवले ठेक्का प्रणालीबाट नेपालमा रासायनिक मलको समस्या समाधान नहुने भएकोले 'जीटूजी' प्रक्रियामार्फत भारतबाट मल ल्याउन लागेको बताउनुभयो ।

प्रतिनिधि सभामा सांसदहरूले साेधेका प्रश्नको जवाफ दिँदै मन्त्री यादवले अहिले विश्व बजारमा मल अभाव रहेको र मूल्य पनि चाँडो–चाँडो परिवर्तन हुने भएकाेले मल ल्याउनका लागि (दुई देशका सरकारबीचकाे सम्झाैता) जीटूजी प्रक्रिया उपयुक्त हुने बताउनुभयो ।

यस्तै मन्त्री यादवले अन्तर्राष्ट्रिय बजारमा मलको मूल्यमा उतारचढाव भएरहेकोले पनि समयमा मल उपलब्ध गराउन नसकेको बताउनुभयो । उहाँले कृषि सामग्री कम्पनी लिमिटेडले एक लाख पाँच हजार मेट्रिक टन र साल्ट ट्रेडिङ कम्पनीले एक लाख १७ हजार मेट्रिक टन रासायनिक मल ल्याउने प्रक्रिया सुरु गरे पनि समयमै ल्याउन नसकेको बताउनुभयो । उहाँले दुई लाख २२ हजार मेट्रिक टन मल ल्याउने प्रक्रियामै रहे पनि समयमै आपूर्ति हुन नसक्दा बजारमा अभाव देखिएको भन्दै समयमै मल आपूर्ति नगर्ने ठेकेदारको ठेक्का रद्द गरी आवश्यक कारबाहीको प्रक्रिया सुरु गरिएको बताउनुभयो ।

उहाँले असारभित्रमा किसानलाई मल उपलब्ध गराउने दाबी गर्नुभयो । सबै पक्षको सहमति र सहकार्यविना मल ल्याउन कठिन हुने भएकोले यसमा सबै पक्षले सहयोग गर्नुपर्ने उहाँले बताउनुभयाे ।

नेपालमा मलको समस्याको दिगो समाधान मल कारखाना उपयुक्त हुने भए पनि त्यो ढिला हुने भएकोले अहिलेका लागि सरकारले जीटूजी मार्फत मल ल्याउन लागेको भन्दै मन्त्री यादवले आफूले भारत भ्रमणको क्रममा मल ल्याउनेबारे धेरै प्रयास गरेको बताउनुभयो । उहाँले भारत सरकारले मल उपलब्ध गराउने प्रक्रिया अघि बढेको भन्दै असार १ गतेदेखि मूल्यबारे छलफल प्रक्रिया अघि बढाउने बताउनुभयो ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्