आईपीएल क्रिकेटमा आज कोलकोता र पञ्जाव खेल्दै
बैशाख १४, २०८१ शुक्रबार
दाङ - महिलामाथि हातपात गरेको आरोपमा लुम्बिनी प्रदेशका स्वास्थ्य राज्यमन्त्री विमला खत्री ओली पक्राउ पर्नु भएको छ । एकराज बस्नेतको घरभित्रै पसेर उहाँकी श्रीमती र छोरीमाथि कुटपिट गरेकाे आराेपमा ओली पक्राउ पर्नुभएकाे हाे ।
आज बिहान ८ बजेतिर दाङको तुलसीपुर उपमहानगरपालिका-५ बसपार्क लालुमण्डी पछाडि रहेको बस्नेतको घरमा पुगेर ओलीले मिना भण्डारी बस्नेत र उहाँकी तीन वर्षीया छोरीमाथि कुटपिट गर्नुभएकाे थियाे।
मन्त्री आफैँ अर्काको घरभित्र पसेर महिला र नाबालिग छोरीमाथि कुटपिट गरेपछि स्थानीयले प्रहरीलाई खबर गरेका थिए ।
घटनास्थलमा अहिले प्रहरी परिचालन गरिएको छ । आरोपित राज्यमन्त्री ओलीलाई भने इलाका प्रहरी कार्यालय तुलसीपुरले लगिएकाे छ । ओलीका श्रीमान् तत्कालीन प्रदेश सभा सदस्य उत्तरकुमार ओलीको गाडी दुर्घटनामा परि ज्यान गएकाे थियाे । उपचुनावमा नेकपा एमालेबाट निर्वाचित हुनुभएकी ओली अहिले नेकपा माओवादी केन्द्रमा हुनुहुन्छ ।
केही समय पहिले राज्यमन्त्री ओली र मीनाका पति एकराज बस्नेतको बीचको प्रेम प्रसङ्ग बाहिरिएको थियो ।
दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।
केदार भन्डारी
June 14, 2022, 12:05 p.m.अहिले हाम्राे देशमा नेता देखि जन्ता सम्म बिश्वास गर्न गाराे भयकाे छ ! यदि जन्ताकाे सेवामा श्रमर्पित नेता जन्ता माथि हात उठाउछन भने ... नेताहरुलाई जानकारी हाेस जन्ताकाे कर बाट पालियका सबै नेता public servent हुन ...