गैरआवासीय नेपालीलाई प्रधानमन्त्रीकाे आश्वासन : नागरिकताकाे विषय चाँडाे सम्बाेधन हुन्छ

असार २, २०७९ बिहीबार १९:१८:७ | उज्यालो सहकर्मी

काठमाण्डौ – प्रधानमन्त्री शेरबहादुर देउवाले गैरआवासीय नेपालीहरूको नागरिकताको समस्यालाई जतिसक्दो चाँडो सम्बोधन गर्ने प्रतिबद्धता जनाउनुभएको छ ।

आज बिहीवार गैरआवासीय नेपाली सङ्घ (एनआरएन) ले काठमाण्डौमा आयोजना गरेको नागरिकता, लगानी तथा वैदेशिक रोजगारीसम्बन्धी सेमिनारलाई सम्बोधन गर्दैै प्रधानमन्त्री देउवाले यस्तो बताउनुभएको हो । सबै पक्षसँग समन्वय गरी गैरआवासीय नेपालीको नागरिताको विषयलाई जतिसक्दो चाँडो सम्बोधन गर्ने उहाँले आश्वासन दिनुभयो । आफूसँग भएको सीप र पुँजी नेपालको विकासमा लगाउन गैरआवासीय नेपालीहरूलाई प्रधानमन्त्री देउवाले आह्वानसमेत गर्नुभयो ।

उहाँले भन्नुभयो, ‘संसारभरि छरिएर रहेका नागरिकलाई मातृभूमिप्रतिको दायित्व निर्वाह गर्न र डलर खाता खोलेर तथा बचत पत्र किनेर पाइदा उठाउन अपिल गर्दछु । गैरआवासीय नेपाली सङ्घको जायज मागप्रति सरकार संवेदनशील छ । नागरिकताको विषय जतिसक्दो चाँडो सम्बोधन गर्ने कुरा यहाँहरूलाई आश्वस्त गराउन चाहन्छु ।’

प्रधानमन्त्री देउवाले गैरआवासीय नेपालीले नेपाली राजदूतावाससँग समन्वय गरी विदशी लगानीकर्ताको पुँजीलाई नेपालमा भित्र्याउन अग्रसरता लिन आवश्यक रहेको समेत बताउनुभयो ।गैरआवासीय नेपालीले स्वदेशमा उत्पादित वस्तुलाई प्राथमिकता दिनसके मात्रै पनि स्वदेशमा उत्पादित वस्तु निकासी प्रवद्र्धनमा सहयोग पुग्ने उहाँको भनाइ छ ।

प्रधानमन्त्री देउवाले बजेटमा विदेशी लगानीको न्यूनतम सीमा पाँच करोडबाट घटाएर दुई करोडमा कायम गरिए पनि १० करोड रुपैयाँसम्मको वैदेशिक लगानीको स्वीकृति स्वचालित प्रणालीबाट हुने व्यवस्था मिलाइने बताउनुभयो ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्