त्रिवि सेवा आयोगले १ सय ४ जना कर्मचारी मागेकोमा सबै फेल

असार १५, २०७९ बुधबार १३:५०:१६ | उज्यालो सहकर्मी

काठमाण्डाै – त्रिभुवन विश्वविद्यालय सेवा आयोगले विभिन्न पदमा १ सय ४ जना कर्मचारी माग गरेकोमा परीक्षा दिएका सबै अनुत्तीर्ण भएका छन् ।

त्रिविले उपप्रशासक, शाखा अधिकृत, मुख्य कार्यालय सहायक, आर्थिक उपनियन्त्रक र लेखा अधिकृत पदका लागि कर्मचारी माग गरेर गएको कात्तिकमा परीक्षा लिएकोमा कुनै पनि परीक्षार्थी लिखित परीक्षामा उत्तीर्ण हुन सकेनन् । १ सय ४ जनाको माग भएकोमा सबै गरेर १ हजार ४ सय ६२ जनाले परीक्षा दिएका थिए । जसमध्ये १ सय ३८ जनाको परीक्षा रद्द भएको थियो ।

उपप्रशासक पदमा ४ जनाको माग गरिएकोमा १२ जना, शाखा अधिकृतमा ४० जना माग गरिएकोमा ५ सय ४२ जना, मुख्य कार्यालय सहायकमा ४३ जनाका लागि ७ सय ७७ जना, आर्थिक उपनियन्त्रकमा २ जनाका लागि ३ जना र लेखा अधिकृतमा १५ जनाका लागि १ सय २९ जनाले परीक्षा दिएका थिए ।

त्रिविका अनुसार लेखा सहायक, मुख्य लेखा सहायक र कार्यालय सहायकमा भने परीक्षार्थी उत्तीर्ण भएका छन् ।

अन्तिम अपडेट: माघ १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्