७ हजार टन अन्न बोकेको पानीजहाज युक्रेनको बन्दरगाहबाट अरू देशका लागि छुट्यो

असार १६, २०७९ बिहीबार १४:५५:४४ | एजेन्सी

सात हजार टन अन्न बोकेको पानीजहाज युक्रेनको बन्दरगाहबाट अरू देशका लागि छुटेको छ । रुसको कब्जामा रहेको बर्दियान्स्कको बन्दरगाहबाट सात हजार टन अन्न बोकेको पानीजहाज मित्र राष्ट्रहरूका लागि छुटेको रुसले नियुक्त गरेका एक अधिकारीले जानकारी दिएका समाचार संस्था एएफपीले जनाएको छ ।

रुसले युक्रेनमा युद्ध सुरु गरेपछि यो बन्दरगाहबाट पहिलो पटक अन्न निर्यात भएको खबरमा उल्लेख छ । रुसले नियुक्त गरेका अधिकारी एभजेन बालित्स्कीले धेरै महिनापछि जहाज छुटेको र बिस्तारै निर्यात बढ्ने बताउनुभएको छ ।

रुसले युक्रेनका बन्दगाह कब्जामा लिएर अन्न निर्यात हुन नदिएकाले संसारभर खाद्यान्न र खाने तेलको अभाव भएको अमेरिका र युरोपेली देशले आरोप लगाउँदै आएका छन् । युक्रेनले त रुसले लाखौँ टन गहुँ र मकै चोरेको समेत आरोप लगाएको छ । रुसले आक्रमण सुरु गरेसँगै दक्षिणी युक्रेनका खेअरसन र जापोरिझिया सहर रुसकै नियन्त्रणमा रहेका कारण यी दुई सहरमा रहेका ठूला बन्दरगाहबाट निर्यात हुन पाएको छैन ।

संसारभर खपत हुने गहुँमध्ये युक्रेनले १० र १७ प्रतिशत माग रुसले धान्दै आएको छ । यस्तै संसारभर सूर्यमुखीको तेलको ४० प्रतिशत माग युक्रेन र रुसबाट पूरा हुँदै आएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

७ हजार टन अन्न बोकेको पानीजहाज युक्रेनको बन्दरगाहबाट अरू देशका लागि छुट्यो

तस्बिर : नेक्स्टा टीभी

तपाईको प्रतिक्रिया