ललितपुरको झम्सीखेल चोकमा ट्राफिक लाइट सञ्चालनमा आयाे

असार १६, २०७९ बिहीबार १६:५०:५५ | उज्यालो सहकर्मी

ललितपुर – ललितपुरको झम्सीखेल चोकमा जडान भएको ट्राफिक लाइट आज बिहीवारदेखि सञ्चालनमा आएको छ ।

काठमाण्डाै उपत्यका ट्राफिक प्रहरी कार्यालय रामशाहपथले ललितपुर महानगरपालिका वडा नम्बर ३ र तन्त्र भेन्चर्स प्रालिसँग सहकार्य गरी नयाँ ट्राफिक लाइट जडान गरेर सञ्चालनमा ल्याएको हो । ट्राफिक प्रहरी कार्यालयका प्रमुख एवम् प्रहरी वरिष्ठ उपरीक्षक उमेशराज जोशीले आज बिहान नयाँ ट्राफिक लाइटको स्विच अन गरी उद्घाटन गर्नुभयो ।

कार्यक्रममा एसएसपी जोशीले प्रविधिको विकासले फड्को मार्दै गर्दा ट्राफिक प्रहरीको सेवामा पनि यात्रुमैत्री प्रविधिको विकास र प्रयोगलाई प्राथमिकता दिँदै आएको बताउनुभयो । उपत्यकाको ट्राफिक व्यवस्थापनलाई सहज, व्यवस्थित एवम् चुस्त बनाउन तथा प्रविधिको प्रयोग गरी थोरै जनशक्तिबाट धेरै काम लिन विभिन्न प्रविधिमैत्री अभियान थालिएको उहाँको भनाइ छ ।

यस्तै ललितपुर महानगरपालिका ३ का वडाध्यक्ष श्रीगोपाल महर्जनले ट्राफिक लाइट जडानबाट आम सेवाग्राहीलाई प्रत्यक्ष लाभ हुने कुरामा जोडिन पाउँदा हर्षित रहेको र सडकलाई यात्रुमैत्री बनाउन आउँदा दिनमा समेत ट्राफिक प्रहरीसँग सहकार्य गर्दै जाने बताउनुभयो ।

अहिले काठमाण्डौ उपत्यकाको मुख्य ४० चोकमा ट्राफिक लाइटबाट सवारी व्यवस्थापन हुँदै आएको छ भने १३ ठाउँमा परीक्षण गरी सञ्चालनको प्रकियामा रहेको र सात ठाउँमा जडान कार्य भइरहेको ट्राफिक प्रहरीले जनाएको छ । ट्राफिक लाइट सञ्चालनमा आएका चोकहरूमा ट्राफिक लाइटको पूर्ण पालना गरी ट्राफिक व्यवस्थापनमा सहयोग गर्न चालक तथा पैदलयात्रीलाई ट्राफिक कार्यालयले विशेष अनुरोधसमेत गरेको छ ।

अन्तिम अपडेट: माघ १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्