माओवादी बैठकमा केन्द्रीय समितिका पदाधिकारी, स्थायी कमिटी गठन गर्नुपर्ने माग

असार २०, २०७९ सोमबार १९:५४:३३ | उज्यालो सहकर्मी

काठमाण्डाै – नेकपा (माओवादी केन्द्र) को आज साेमवारकाे बैठकमा केन्द्रीय समितिका पदाधिकारी, स्थायी कमिटी गठन गर्नुपर्ने माग उठेको छ ।

हिजाे आइतवारकाे केन्द्रीय समिति बैठकमा पार्टी अध्यक्ष पुष्पकमल दाहाल प्रचण्डले प्रस्तुत गर्नुभएको प्रतिवेदनमाथि नेताहरूले आफ्ना भनाइ राखेका हुन् । आजकाे बैठकपछि सञ्चारकर्मीहरूलाई प्रतिक्रया दिँदै पार्टीका प्रवक्ता कृष्णबहादुर महराले बैठकमा केन्द्रीय समितिका पदाधिकारी, स्थायी कमिटी गठन गर्नुपर्ने माग उठेको बताउनुभयो । उहाँले बैठकमा आज ४१ जना नेताहरूले भाग लिएका र पालिका चुनावसम्बन्धी समीक्षा, पार्टी निर्माणका बारेमा कुरा उठेको जानकारी दिनुभयाे ।

उहाँले भन्नुभयो, ‘हिजो बैठकमा अध्यक्षले राख्नुभएको संक्षिप्त राजनीतिक प्रतिवेदनबारे आज नेताहरूले आफ्नाे धारणा राख्नुभयाे । उहाँहरूले पालिका चुनावसम्बन्धी समीक्षा, पार्टी निर्माणका बारेमा अलि बढी केन्द्रित गरेर सबै विषयवस्तु राख्नुभयो । केन्द्रिय समितिको पदाधिकारी, स्थायी कमिटीको गठन गर्नुपर्छ भन्ने सुझाव राख्नुभयो ।’

प्रवक्ता महराले केन्द्रीय कमिटीको अर्को बैठक भाेलि मङ्गलवार बस्ने र बैठकमा अध्यक्षले प्रतिवेदनमाथि उठेका प्रश्नको स्पष्टीकरण दिने बताउनुभयो ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्