देशभर उखरमाउलो गर्मी, पानी नपर्दा तातो र सुख्खा हावा चल्न थाल्यो

असार ३२, २०७९ शनिबार १४:२४:५१ | उज्यालो सहकर्मी

काठमाण्डाै – केही दिनदेखि देशभर गर्मी बढेको छ । देशका सबैजसो ठाउँमा अधिकतम तापक्रम बढेको छ भने तातो र सुख्खा हावा चल्न थालेको छ ।

पहाडी क्षेत्रमा फाट्टफुट्ट पानी परेर बिहान बेलुका केही शीतलजस्तो महसुस भए पनि तराईका जिल्लामा केही दिन यता पानी नपर्दा गर्मी बढेर जनजीवन प्रभावित बनेको छ । काठमाण्डौसहित पहाडी क्षेत्रमा पनि दिउँसोको समयमा टण्टलापुर घाम चर्किँदा जनजीवन प्रभावित भएको छ । केहि दिनको लागि मनसुन रोकिएर न्यूनचापीय रेखा नेपालबाट टाढा भएकाले धेरै गर्मी महसुस भएको मौसमविद् हिरा भट्टराईले जानकारी दिनुभयो ।

उहाँका अनुसार न्यूनचापीय रेखाको प्रभाव पर्न थालेपछि फेरि केही शीतल महसुस हुन थाल्छ । अहिले झरी पर्नु पर्ने समय भए पनि फाट्टफुट्ट र क्षणिक बाहेक पानी परेको छैन । अझै केही दिन मौसम बद्ली भएर लगातार पानी पर्ने सम्भावना नभएको उहाँको भनाई छ । तराईका कतिपय ठाउँमा अधिकतम तापक्रम ३५ देखि ४० डिग्री सेल्सियससम्म पुगेको छ ।

आज नेपालगञ्जको अधिकतम तापक्रम ३७ डिग्री सेल्सियससम्म पुगेको छ । यस्तै धनगढीको ३७ दशमलव २, भैरहवाको ३७ दशमलव ८, काठमाण्डौको ३०, जनकपुरको ३५ र विराटनगरको ३४ दशमलव ८ डिग्री सेल्सियस छ । गर्मीका कारण तराईका विद्यालयहरुमा पठनपाठन प्रभावित भएका छन् । दिउँसाे बजार सुनसान हुन थालेका छन् । सरकारी कार्यालयमा पनि सेवाग्राहीको सख्या घट्न थालेको छ ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्