गर्मीले युरोपका केही देशको जनजीवन अस्तव्यस्त, पोर्चुगलमा एक हप्तामै २ सय ३८ जनाको ज्यान गयो

साउन १, २०७९ आइतबार १६:९:१४ | एजेन्सी

युरोपका धेरै देशमा अत्यधिक गर्मीले जनजीवन अस्तव्यस्त भएको छ । विशेषगरी पोर्गुगल, स्पेन र फ्रान्सको जङ्गलमा फैलिएको डढेलोका कारण तातो हावा चल्नुका साथै अत्यधिक तापक्रमले पनि नयाँ–नयाँ कीर्तिमान बनाइरहेको छ । आगो निभाउन हजारौँ अग्नि नियन्त्रक खटिएका छन् तर तातो हावा र सुक्खापनका कारण सहजै आगो निभ्ने सम्भावना नदेखिएको बीबीसीले जनाएको छ ।

आगलागी प्रभावितले यस्तो तीव्र गतिमा फैलिएको डढेलो र गर्मी यसअघि कहिल्यै पनि महसुस नगरेको बताएका खबरमा उल्लेख छ । आगोले फ्रान्सको गिरोन्डे क्षेत्र सखाप पारेको छ । ११ हजारभन्दा धेरै मानिसलाई सुरक्षित ठाउँमा सारिएको छ । स्पेनको कोस्टा डेल सोल क्षेत्रको पहाडबाट तीन हजार तीन सय जना मानिस सुरक्षित ठाउँमा भाग्न सफल भएका छन् । डढेलोले फ्रान्समा मात्रै १० हजार हेक्टर वन सखाप पारेको छ ।

यस्तै पोर्चुगलमा मात्रै गर्मीका कारण एक हप्ताभित्र दुई सय ३८ जनाको ज्यान गएको छ । स्पेन र फ्रान्समा ६० जनाभन्दा धेरेको ज्यान गएको छ । सरकारले गर्मीका कारण चट्टान टुक्रिएर खस्न सक्ने भएकाले चट्टानी पहाडतिर नजान सर्वसाधारणलाई आग्रह गरेका छन् । गएको हप्तादेखि पोर्चुगलमा अधिकतम तापक्रम ४७ डिग्री तथा फ्रान्स र स्पेनमा ४० डिग्री सेल्सियस पुगेको छ ।

औद्योगिक युग सुरु भइसकेपछि मात्रै विश्वको तापक्रम एक दशमलव एक डिग्री सेल्सियसले बढिरहेको छ । युरोपका अरू देश पनि गर्मी र तातो हावाले प्रभावित भएका छन् । इटलीका केही उपत्यकालाई सरकारले सुक्खाग्रस्त क्षेत्र घोषणा गर्दै आपत्काल घोषणा गरेको छ । उत्तरी मोरक्कोमा आगो फैलिएपछि दर्जनौ गाउँ खाली गर्नुपरेको छ । मानव प्रेरित जलवायु परिवर्तनको ठूलो असर युरोपले भोगिरहेको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गर्मीले युरोपका केही देशको जनजीवन अस्तव्यस्त, पोर्चुगलमा एक हप्तामै २ सय ३८ जनाको ज्यान गयो

तस्बिर : एजेन्सी, फाइल फाेटाे

तपाईको प्रतिक्रिया