‘सरोगेसी’ बाट आमाबुवा बन्ने सेलिब्रिटीहरु

असोज ९, २०७५ मंगलबार १९:१८:३ | एजेन्सी

अविभावक बन्नका लागि आजको समयमा परम्परागत माध्यम मात्रै सीमित छैन । मानिसहरु अहिले विकल्पको रुपमा बच्चा एडप्ट गर्ने, शुक्राणु र अण्डा दान र सरोगेसीको माध्यमबाट सन्तानको इच्छा पूरा गरिरहेका छन ।

तर अझै पनि यी सबै कुरालाई समाजमा सहज रुपमा हेरिँदैन । तैपनि अहिले सरोगेसी अविभावक बन्ने एक लोकप्रिय माध्यम बनेको छ । अहिले कैयौं चर्चित कलाकारहरु यही प्रविधिको प्रयोग गरेर आमा बुवा बनेका छन ।

आज हामी सरोगेसीको माध्यमबाट आमा बुवा बनेका तिनै चर्चित अभिनेता तथा कलाकारहरुको बारेमा चर्चा गर्दैछौं ।

१. शाहरुख खान

बलिउडमा सरोगेसीको माध्यमबाट सन्तान सुख प्राप्त गर्नेहरुको लिस्टमा शाहरुख खान र गौरी खानको नाम पहिलो नम्बरमा आउँछ । शाहरुख र गौरीले तेस्रो सन्तानको रुपमा छोरा अबरामलाई सरोगेसीको सहायतामा जन्म दिएका छन । बलिउड कलाकारका सन्तानहरु मध्य अबराम खान मिडिया निकै चर्चित छन ।

२. आमिर खान

अभिनेता आमिर खान र उनकी दोस्री पत्नी किरण रावले पनि सरोगेसीको सहायताबाट अविभावक भनेका छन् । आमिर र किरणले सरोगेसी सेलिब्रेटी एजेन्सीको सहयोगबाट एक छोरालाई जन्म दिएका छन । उनीहरुले छोराको नाम आजाद राव खान राखेका छन ।

३. सारा जेसिका पार्कर

सेक्स एण्ड द सिटी फेम अमेरिकी अभिनेत्री सारा जेसिका पार्कर र उनका पति मेथ्यू ब्रोडरिकले सन् २००९ मा जुम्ल्याहा छोरी म्यारिवन र ताबिथालाई सेरोगेसीको सहायताबाट जन्म दिएका छन ।

४. जिम्मी फेलोन

करिब ५ वर्षसम्मको प्रयासपछि पनि अविभावक बन्न नसकेपछि अमेरिन कमेडियन तथा टिभी होस्ट जिम्मी फेलोन र उनकी पत्नी नान्सी जुभोनेनले अन्नतः सरोगेसीको सहाराबाट अभिभावक बनेका थिए । अहिले यी दुवै सरोगेसीको सहायताबाट २ छोरीका आमाबुवा बनेका छन ।

५. करण जोहर

बलिउड फिल्म निर्माता तथा निर्देशक करण जोहर विवाह नगरिकनै २ जुम्ल्याहा सन्तान एक छोरा र एक छोरीका पिता भएका छन् । उनले छोरालाई उनका बुवाको नाम यश जोहरकै नाम यश राखेका छन भने छोरीको नाम रुही राखेका छन । उनले छोरीको नाम आफ्नी आमाहरुको नामलाई नै उल्टा तरिकाबाट रुही बनाएर राखेका छन ।

६. कृष्णा र कश्मिरा शाह

भारतीय कमेडियन कृष्णा र उनकी श्रीमती कश्मिरा शाहले पनि सरोगेसीको माध्यमबाट जुम्ल्याहा सन्तान जन्माएका छन ।

७. सोहेल खान

सलमानका भाइ साेहेल खान र उनकी पत्नीबाट एक सन्तानको जन्म भइसकेको थियो । पहिलो सन्तानको रुपमा छोराको जन्म भएको १० वर्षपछि सोहेल खान र उनकी पत्नी सिमाले फेरि अर्को सन्तानको इच्छा सरोगट आमाको माध्यमबाट पूरा गरेका छन ।

८. नील प्याट्रिक ह्यारीस र डेभिड ब्रुटका

अमेरिकी अभिनेता नील पेट्रिक ह्यारीस र उनका जीवन साथी डेभिड बु्रटकाले सन् २०१० मा २ सन्तान सरोगेसीकै माध्यम बाट जन्माएका छन । नील र डेभिड दुवैले आ–आफ्नो स्पर्म सरोगेट आमालाई दिएर जुम्ल्याहा सन्तान जन्माएका हुन ।

९. तुसार कपूर

बलिउड अभिनेता तुसार कपूरले अहिलेसम्म विवाह गरेका छैनन् । तर उनले पिता बन्ने इच्छा भने सरोगेसीको सहायताबाट पूरा गरेका छन् । उनी यस पद्दतिको सहायता बाट एक छोराका पिता बनेका हुन् । तुसारको यस निर्णयको बलिउडका कलाकारहरुले निकै प्रशंसा गरेका थिए ।

१०. निकोल किडम्यान

चर्चित अभिनेत्री निकोल किडम्यान हलिउड सुपरस्टार टम क्रुजकी पूर्व पत्नी हुन । निकोल र टमले २ सन्तानलाई एडप्ट गरेका थिए । पछि उनले किथ अर्बनका साथ दोस्रो विवाह गरिन् । निकोल र किथको पहिलो छोरी सन्डे रोज जन्मेको ३ वर्षपछि दोस्रो छोरी फेथलाई सरोगेसीको माध्यमबाट जन्म दिएका थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्