सप्तकोसी बाढी प्रभावितलाई एकद्वार प्रणालीबाट राहत वितरण गरिने

साउन १९, २०७९ बिहीबार ८:४३:२५ | उज्यालो सहकर्मी

काठमाण्डाै - सप्तकोसीको बाढीबाट प्रभावितका लागि एकद्वार प्रणालीबाट राहत सङ्कलन गर्ने र एकद्वार प्रणालीबाटै राहत वितरण गरिने भएको छ ।

गृहमन्त्रालय अन्तर्गतको राष्ट्रिय विपद् जोखिम न्यूनीकरण तथा व्यवस्थापन प्राधिकरणले विज्ञप्ति निकालेर प्रभावितहरुलाई एकद्वार प्रणालीबाट राहत सङ्कलन गरी वितरण गरिने जनाएको हो । राहत सङ्कलनको काम सुरु भइसकेको प्राधिकरणका प्रवक्ता डाक्टर डिजन भट्टराईले बताउनुभयो ।

राहतका लागि भन्दै नेपाल रेडक्रस सोसाइटीले एक सय थान त्रिपाल र एक थान हेल्मेट उपलब्ध गराएको छ । उदयपुर र सुनसरीका जिल्लाका प्रमुख जिल्ला अधिकारी वा प्रमुख जिल्ला अधिकारीले तोकेका अधिकृत र दुवै नगरपालिकाका मेयरको संयोजनमा राहत वितरण गरिने विज्ञप्तिमा भनिएको छ।

सप्तकोसी नदीमा पानीको सतह केही कम भएको छ । उदयपुरका प्रमुख जिल्ला अधिकारी वीरेन्द्रकुमार यादवका अनुसार अस्ति राति र हिजोको तुलनामा आज पानी केही कम भएको छ । हिजो बिहान सप्तकोसीको भङ्गालो फुटेर बस्तीमा पस्दा झन्डै १५ सय घरपरिवार प्रभावित भएका छन्।

सप्तकोसी नदीको एउटा भङ्गालो उदयपुरको बेलका नगरपालिकाको डुम्रीबोटबाट तटबन्ध फुटाउँदै दक्षिण पश्चिम क्षेत्र पस्दा बेलका नगरपालिकाका १, २, ३, ८ र ९ वडाका झन्डै १५ सय घरपरिवार प्रभावित भएका राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सप्तकोसी बाढी प्रभावितलाई एकद्वार प्रणालीबाट राहत वितरण गरिने

फाइल फाेटाे

तपाईको प्रतिक्रिया