गृहमन्त्री–चिनियाँ राजदूत भेट : नेपाल एक चीन नीतिको पक्षमा– खाण

 साउन २०, २०७९ शुक्रबार २०:११:२० | उज्यालो सहकर्मी
unn.prixa.net

गृहमन्त्री खाणसँग नेपालका लागि चिनियाँ राजदूत यान्छी । तस्बिर : गृहमन्त्रीको निजी सचिवालय

काठमाण्डाै – गृहमन्त्री बालकृष्ण खाणसँग नेपालका लागि चिनियाँ राजदूत होउ यान्छीले शिष्टाचार भेट गर्नुभएको छ । गृह मन्त्रालयमा आज शुक्रवार भएको भेटमा दुई देशबीचको आपसी सम्बन्ध थप सुदृढ बनाउनेबारे छलफल भएको गृहमन्त्रीको सचिवालयले जनाएको छ । 

भेटमा गृहमन्त्री खाणले नेपाल एक चीन नीतिको पक्षमा रहेको स्पष्ट पार्नुभएको छ । उहाँले नेपाल असंलग्न परराष्ट्र नीति र पञ्चशिलको सिद्धान्तमा अडिग रहेको पनि बताउनुभयो । अन्य छिमेकी देश र चीनको शान्ति नेपालको हितमा रहेको गृहमन्त्री खाणको भनाइ थियो । 

भेटमा राजदूत यान्छीले नेपालमा हुने विपद्को व्यवस्थापनमा चीन सहयोग गर्न तयार रहेको बताउनुभयो । सरकारले हिजो मात्रै प्रतिनिधि सभा र प्रदेश सभा चुनाव घोषणा गरेकोमा चीनले खुसी व्यक्त गरेको राजदूत यान्छीले जानकारी गराउनुभएको थियो । 

अन्तिम अपडेट: साउन २१, २०७९

तपाईको प्रतिक्रिया