देशका केही ठाउँमा ठूलो वर्षा : आज दिउँसो एकछिन घाम लागे पनि फेरि पानी पर्ने सम्भावना

साउन २१, २०७९ शनिबार ७:४८:२४ | उज्यालो सहकर्मी

काठमाण्डाै - पछिल्लो तीन घण्टामा वाग्मती प्रदेशका केही ठाउँमा ठूलो पानी परेको छ । देशका अरु ठाउँमा पनि लगातारजसो पानी परेको छ ।

विशेषगरी काठमाण्डौको सुन्दरीजल, सिन्धुपाल्चोकको मेलम्ची र पर्साको ठोरी आसपासको क्षेत्रमा ठूलो पानी परेको मौसमविद् मञ्जु बासीले जानकारी दिनुभयो । उहाँका अनुसार पछिल्लो तीन घण्टामा सिन्धुपाल्चोकको मेलम्चीमा ३० मिलिमिटर पानी परेको छ, काठमाण्डौको सुन्दरीजलमा २४ मिलिमिटर र पर्साको ठोरीमा ३८ दशमलव २ मिलिमिटर पानी परेको छ ।

अरु केही ठाउँमा पनि भारी वर्षा भएको तर मौसम विज्ञान विभागको आकाशको पानी मापन गर्ने यन्त्र नभएकाले विवरण प्राप्त गर्न नसकिएको पनि बासीले बताउनुभयो । यस्तै अहिले भने प्रदेश-१, वाग्मती र गण्डकी प्रदेशका धेरैजसो ठाउँमा सामान्यदेखि मध्यम खालको पानी परिरहेको छ ।

आज दिउँसो हिजोजस्तै एकछिन घाम लागे पनि फेरि पानी पर्ने सम्भावना छ । तर लगातार झरी पर्ने सम्भावना भने छैन । आज राति मध्य र सुदूरपश्चिम प्रदेशका केही ठाउँमा भारी वर्षाको सम्भावना रहेको मौसम पूर्वानुमान महाशाखाले जनाएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

देशका केही ठाउँमा ठूलो वर्षा : आज दिउँसो एकछिन घाम लागे पनि फेरि पानी पर्ने सम्भावना

फाइल फाेटाे

तपाईको प्रतिक्रिया