विज्ञापन र सामाजिक सञ्जालमा आकर्षक देखिएकै भरमा पछि नलागाैँ, स्वास्थ्य ठूलाे हाे : हमाल

साउन २६, २०७९ बिहीबार १६:३६:१५ | उज्यालो सहकर्मी

काठमाण्डौ – अभिनेता राजेश हमालले खानेकुराको स्रोत पहिचान गर्न नसक्दा स्वास्थ्यसम्बन्धी जटिल समस्या सिर्जना भइरहेको भन्दै सतर्कता अपनाउन आग्रह गरेका छन् ।

आज बिहीवार नेपाली उपभोक्ता संरक्षण महासङ्घको प्रथम राष्ट्रिय महाधिवेशन तथा स्थापना दिवसलाई सम्बोधन गर्दै उनले यस्तो बताएका हुन् । हमालले आधुनिकताको पछाडि दौडिने क्रममा स्वदेशमै उत्पादित खाद्य सामग्रीको प्रयोग कम गर्न थालेको बताए । हेर्दा आकर्षक देखिने खाद्य सामग्री एवम् लताकपडाभन्दा स्वदेशमा नै उत्पादित खानेकुरा र लगाउने लुगा राम्रो र स्वास्थ्यवर्द्धक हुने उनकाे भनाइ छ ।

उनले भने, ‘हामी आधुनिकतामा यसी बहकिएका छौँ कि हामीले उपभोक्ताको हिसाबले के गर्नुपर्छ भन्ने कुरा नै बिर्सिसक्यौँ । आफ्नो शक्ति के हो हामीलाई नै थाहा छैन । हामीले कस्तो सामग्री प्रयोग गरिरहेका छौँ ? हामी विज्ञापनको पछि लागिरहेका छौँ । त्यो खानेकुरा वा लगाउने कुरा नै किन नहोस् । हामीले कस्तो सामग्रीमा खर्च गरिरहेका छौँ भन्नेमा सावधानी अपनाउन आवश्यक छ । हामीले प्रयोग गरेको वस्तु गुणस्तर छ कि छैन भन्ने कुराको ध्यान दिनु आवश्यक छ । आजको स्थितिमा खतराको घण्टी नै बजिसकेको छ तर हामी अझै सचेत हुन सकेका छैनौँ । हामी खानेकुराको गुणस्तर पहिचान गर्न सकिरहेका छैनौँ । स्वास्थ्यमा सचेत हुन सकेका छैनौँ । स्थानीय उत्पादित खानेकुरालाई जोड दिनुपर्छ । मान्छेले खानेकुरा नि फ्याक्ट्रीबाट उत्पादन गर्ने हो र मान्छेले खानेकुरा त जमिनबाट उत्पादन गर्नुपर्छ ।’

हमालले गुणस्तरयुक्त खानेकुराको कमीका कारण स्वास्थ्यमा गम्भीर समस्या उत्पन्न भइरहेको भन्दै कुनै विज्ञापन र सामाजिक सञ्जालमा आकर्षक देखिएकै भरमा पछि नलाग्न सचेत गराए । स्वास्थ्यमा खतरा भइसक्दा समेत उपभोक्ता सचेत हुन नसकेको भन्दै उपभोक्ता संरक्षण महासङ्घले यसमा पहलकदमी थाल्नुपर्ने उनको भनाइ छ ।

हमालले प्याक गरिएका खाद्य सामग्री स्वास्थ्यलाई बेवास्ता गर्दै स्वाद र व्यापारलाई मध्यनजर गरेर राखिएको हुने भन्दै त्यसतर्फ सचेत रहन पनि आग्रह गरे । उनले स्थानीय उत्पादनलाई विशेष जोड दिएर गुणस्तरहीन खानेकुरा र लगाउने कपडाहको बहिष्कार गर्न आवश्यक रहेको बताए ।

अन्तिम अपडेट: माघ १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्