दलीय भागबन्डा भएपछि 'बान' को नेतृत्व चयनमा विवाद, स्वतन्त्र रेडियो सञ्चालकले बनाए छुट्टै कार्यसमिति

भदौ ६, २०७९ सोमबार १४:२२:५७ | उज्यालो सहकर्मी

काठमाण्डाै – व्यावसायिक रेडियोहरूको छाता सङ्गठन 'ब्रोडकास्टिङ एसोसिएशन अफ नेपाल' (बान) को नेतृत्व चयन प्रक्रियामा विवाद भएकाे छ ।

यही भदाै ४ गते शनिवार भक्तपुरमा सुरु भएको बानको सातौँ महाधिवेशनले गए रातिसम्म नेतृत्व छान्न सकेको थिएन । तर मध्यरातमा एकाएक दलीय भागबन्डाकाे आधारमा कार्यसमितिको घोषणा भएको छ । निर्वाचन समितिले सहमतिमै नयाँ कार्यसमिति चयन भएको जिकिर गरेको छ ।

निर्वाचन समितिले अध्यक्षमा कुमार भट्टराई, वरिष्ठ उपाध्यक्षमा उज्ज्वल चौलागाईँ, उपाध्यक्षमा गोविन्द रोस्यारा, दुर्गा अधिकारी र राजकुमार थापा तथा महासचिवमा नवीन राई रहेको कार्यसमितिको नाम टाँसेको छ । तर अध्यक्षकी दाबेदार दुर्गा अधिकारीले सामाजिक सञ्जाल फेसबुकमार्फत नयाँ नेतृत्व चयनको खबर गलत भएको उल्लेख गर्नुभएको छ । उहाँले बानको सातौँ महाधिवेशनलाई व्यवस्थित ढङ्गले सम्पन्न गर्न नसकेकोमा माफी माग्दै सर्वसम्मत नयाँ कार्यसमितिको खबर झुटो भएको बताउनुभएको छ ।

यसैबीच प्रेस युनियन, प्रेस चौतारी र प्रेस सङ्गठनका पदाधिकारीले निर्वाचन समितिलाई प्रभावमा पारेर पूर्णरूपमा गैरकानुनी हिसाबले नयाँ कार्यसमिति चयन भएको भन्दै स्वतन्त्र रेडियो सञ्चालकले छुट्टै कार्यसमिति बनाएका छन् । स्वतन्त्र रेडियो सञ्चालकहरूले रेडियो अडियोका प्रमुख दिपेन्द्र खनियाको अध्यक्षतामा छुट्टै कार्यसमिति घोषणा गरेर आफूहरूको समिति नै आधिकारिक भएको दाबी गरेका छन् । खनिया नेतृत्वको कार्यसमिति आधिकारिकताको दाबी गर्न जिल्ला प्रशासन कार्यालयमा जाने तयारीमा रहेको छ ।

अन्तिम अपडेट: माघ ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्