काठमाण्डाै – तीन दिनसम्म कोसी, कर्णाली, महाकाली, कन्काई, कमला, वाग्मती, पश्चिम राप्ती र यसका सहायक नदीमा पानीको बहाव बढ्ने अनुमान छ ।

यी नदीमा पानीको सतह सतर्कता तह भन्दा तलै रहने पूर्वानुमान रहे पनि बहाव बढ्ने भएकाले तटीय क्षेत्रमा सतर्कता अपनाउन बाढी पूर्वानुमान महाशाखाले आग्रह गरेको छ । यस्तै, आज नारायणी र यसका सहायक नदीहरु तिनाउ, पूर्वी राप्ती, बबईलगायतमा पानीको बहाव उल्लेख्य बढी जलसतह सतर्कता तह आसपास पुग्ने सम्भावना रहेकाले तटीय क्षेत्रमा उच्च सतर्कता अपनाउन महाशाखाको आग्रह छ ।

यसैगरी आज अन्य साना नदी तथा खोलामा पनि बाढीको खतरा रहेकाले सावधानी अपनाउन आग्रह गरिएको छ ।

भदौ १६
आज कोशी र यसका सहायक नदीहरू, नारायणी र यसका सहायक नदीहरू, तिनाउ, पूर्वी राप्ती, बबई लगायतमा बहाव उल्लेख्य बढ्ने तथा केही स-साना नदीहरूमा जलसतह सतर्कता तह आसपास पुग्न सक्ने रहेकाले तटीय क्षेत्रमा उच्च सतर्कता अपनाऔं। pic.twitter.com/JwmYIl5OYc

— Nepal Flood Alert! नेपाल बाढी सूचना! (@DHM_FloodEWS) September 1, 2022