सुर्नयागाड लघु-जलविद्युत सञ्चालन गर्न हुलास स्टील इन्डस्ट्रिजलार्इ अदातलको आदेश

असोज १२, २०७५ शुक्रबार १७:२७:४४ | जयराज अवस्थी

बैतडी– बैतडीमा रहेको सुर्नयागाड लघु जलविद्युत आयोजना पूर्ण रुपमा सञ्चालन गरेर उपभोक्तालाई हस्तान्तरण गर्न जिल्ला अदालत काठमाडौंले हुलास स्टील इन्डस्ट्रिज प्रालिलाई आदेश दिएको छ ।

आयोजना बैतडीको पाटन नगरपालिका वडा नं–७, कैलपालमा रहेको छ ।

सुुर्नयागाड लघु-जलविद्युत आयोजना उपभोक्ता समितिले दायर गरेको मुद्दामा यही असोज ९ गते न्यायाधीश अशोककुमार बस्नेतको इजलासले विद्युत आयोजना पूर्ण रुपमा निर्माण गरेर हस्तान्तरण गर्न निर्माण कम्पनीलाई आदेश दिएको हो ।

उपभोक्ता समितिले गएको जेठ १४ गते हुलास स्टील इन्डस्ट्रिजलाई विपक्षी बनाएर जिल्ला अदालत काठमाडौंमा मुद्दा दायर गरेको थियो ।

२०६८ सालमा ९७ किलोवाट क्षमताको सुर्नयागाड लघुजल विद्युत आयोजना निर्माणका लागि हुलास स्टील इण्डस्ट्रिजसँग सम्झौता भएको थियो ।

कम्पनीले २०७२ मा विद्युत उत्पादन गरेर परीक्षणसमेत गरेको थियो । तर परीक्षण गर्दा कमसल खालको टर्बाइन प्रयोग गरेकाले २७ किलोवाट मात्र विद्युत उत्पादन भएको थियो । त्यसपछि उपभोक्ता समितिले बारम्बार निर्माण कम्पनीलाई योजनालाई पूर्णता दिन आग्रह गरेको थियो ।

उपभोक्ताको आग्रह नमानेपछि अदालतमा मुद्दा दायर गरेको सुर्नयागाड लघुजल विद्युत आयोजना उपभोक्ता समितिका अध्यक्ष रमेश पाण्डेयले जानकारी दिनुभयो ।

आयोजना वैैकल्पिक उर्जा प्रवद्र्धन केन्द्र र स्थानीयहरुको जनश्रमदान गरी करीब ३ करोड ७९ लाख रुपैयाँमा निर्माण गरिएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्