१५ वर्षीया किशोरीमाथि सामूहिक बलात्कार

 असोज १३, २०७५ शनिबार १४:४१:४९ | तपेन्द्र बिष्ट
unn.prixa.net

डडेल्धुरा – जिल्लाको परसुराम नगरपालिकाकी १५ वर्षीया किशोरीमाथि सामूहिक बलात्कार भएको छ ।

जिल्ला प्रहरी कार्यालय डडेल्धुराका अनुसार किशोरीलाई स्थानीय २ युवकले बलात्कार गरेका खुल्न आएको छ । अनन्ते मेला हेरर घर आउने क्रममा असोज ९ गते राति युवती बलात्कृत भएकी हुन् ।

परशुराम नगरपालिका–४, पोखरी बस्ने अन्दाजी २८ वर्षीय वीरबहादुर बोहरा र सोही नगरपालिका–१० कुरमुल्लेका अन्दाजी २३ वर्षीय शिवशंकर जोशीले सामूहिक बलात्कार गरेको जाहेरी आएको जिल्ला प्रहरी कार्यालय डडेल्धुराका प्रवक्ता एवं प्रहरी निरीक्षक खगेन्द्र साउदले जानकारी दिनुभयो ।

आरोपीमध्ये बोहरालाई प्रहरीले प्रक्राउ गरी जिल्ला प्रहरी कार्यालय डडेल्धुरामा मुद्दा दर्ता गरिसकेको छ भने जोशी फरार छन् । घटना ९ गते रातिको भए पनि किशोरीले घरपरिवारलाई ढिलो बताएकाले ३ दिनपछि शुक्रबार मात्र प्रहरीमा जाहेरी आएको प्रहरीको भनाई छ ।

पक्राउ परेका बोहराको बारेमा थप अनुसन्धान गर्न जिल्ला अदालत डडेल्धुराबाट १० दिनको म्याद थप गरी प्रहरी हिरासतमा राखिएको प्रहरीले जानकारी दिएको छ । फरार जोशीको खोजी कार्य भैरहेको प्रहरी निरीक्षक साउदले जानकारी दिनुभयो ।
 

अन्तिम अपडेट: कात्तिक ३, २०७६

तपेन्द्र बिष्ट

डढेलधुराका उज्यालो सहकर्मी तपेन्द्र विष्ट रेडियो अमरगढीमा पनि काम गर्नुहुन्छ । 

2 Comments

  • सुनद खडका

    Sept. 29, 2018, 5:16 p.m.

    डडेलधुरा मा १५ बर्सिया किशोरी माथी भएको सामुहिक बलात्कार घटना प्रती दु ख: ब्यक्त गर्दै यस्ता बलात्कार का घटना यक पछि अर्को घटना दोहिरिरहेको छन् ।आखिर किन त यो देसमा बिधिको शासन छैन राज्य किन निकम्मा भएको हो? यो सम्मबन्धी राज्य ले राज्य का सबै तह कुना कन्दरा सम्म यौन सम्बन्धी सचेतना कार्यक्रम सन्चालन गर्न आबश्यक छ।

  •  0 Reply
  • महेन्द्र सुवेदी

    Sept. 29, 2018, 3:19 p.m.

    लाग्छ,बलात्कारका घटना पहिला पनि नघटेका हाेईनन् सायद अहिलेकाे समयमा बढी सँख्यामा खुल्न अाएका मात्र हुन्।पहिला सायद ईज्जतकाे सवाल हुन्थ्याे अचेल महिला सुरक्षाकाे र न्यायकाे बढी खाेजी हुन थालेकाे छ। #फरक

  •  0 Reply

तपाईको प्रतिक्रिया