राष्ट्रपतिकाे कदमविरुद्ध संयुक्त विद्यार्थी सङ्गठन आज पनि सडकमा (तस्बिरहरू)

असोज ६, २०७९ बिहीबार १३:३५:३४ | उज्यालो सहकर्मी

काठमाण्डौ – संयुक्त विद्यार्थी सङ्गठनले राष्ट्रपति विद्यादेवी भण्डारीले नागरिकता विधेयक प्रमाणीकरण नगरेको भन्दै आज बिहीवार पनि विरोध प्रदर्शन गरेका छन् ।

संयुक्त विद्यार्थी सङ्गठनहरूले आज माइतीघर मण्डलामा विरोध प्रदर्शन गरेका हुन् । नेपाली कांग्रेस निकट नेपाल विद्यार्थी सङ्घ, नेकपा (माओवादी केन्द्र) निकट अनेरास्ववियु (क्रान्तिकारी), नेकपा (एकीकृत समाजवादी) निकट अनेरास्ववियु, जनता समाजवादी पार्टी नेपाल निकट समाजवादी विद्यार्थी युनियन र नेपाल समाजवादी पार्टी निकट समाजवादी विद्यार्थी युनियन संयुक्तरूपमा विरोध प्रदर्शनमा सहभागी छन् ।

विरोध कार्यक्रममा बोल्दै नेकपा (एकीकृत समाजवादी) निकट विद्यार्थी सङ्गठनका अध्यक्ष सुदेश पराजुलीले विद्यार्थी आन्दोलनबाट आएको व्यवस्थालाई राष्ट्रपति विद्यादेवी भण्डारीले महारानी बन्ने सपना देखेको आरोप लगाउनुभयो । उहाँले बालकोटको सहयात्री बन्दै राष्ट्रपतिले संविधानलाई कुल्चिने प्रयास गरेको बताउनुभयो ।

त्यस्तै नेकपा (माओवादी केन्द्र) निकट विद्यार्थी सङ्गठनकी अध्यक्ष पञ्चा सिंहले नागरिकता विधेयक प्रमाणीकरण नगर्नु नेकपा एमालेको अन्त्यको सुरु भएको जिकिर गर्नुभयो । उहाँले राष्ट्रपतिलाई शीतल निवासमा बस्ने अधिकार नरहेको भन्दै त्यहाँबाट चपली हाइट नलखेटी नेपाली विद्यार्थी आन्दोलनले विश्राम नलिने चेतावनी दिनुभयो ।

त्यस्तै नेपाली कांग्रेस निकट विद्यार्थी सङ्गठनकासभापति दुजाङ शेर्पाले राष्ट्रपतिबाट नेपालको संविधानमा दाग लगाउने काम भएको आरोप लगाउनुभयो । उहाँले संविधान च्यातिँदै गर्दा कोही पनि चुप लागेर बस्न नमिल्ने बताउनुभयो । नागरिकताजस्तो संवेदनशील विषयलाई नेकपा एमालेले चुनाव आएपछि राष्ट्रियताको नाममा राजनीति गर्न खोजेको उहाँको आरोप थियो ।

विरोध प्रदर्शनमा सहभागीहरूले राष्ट्रपतिविरुद्ध विभिन्न नारा पनि लगाएका थिए । संयुक्त विद्यार्थी सङ्गठनले विरोधको कार्यक्रमअन्तर्गत असोज ७ गते बिहान ११ बजे सडक बहस कार्यक्रम गर्ने बताएको छ ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्