गठबन्धन सरकारमा मुख्यमन्त्री र अर्थमन्त्री एउटै दलको नहुँदा पछुताे : गण्डकी प्रदेश मन्त्री थापा

असोज १३, २०७९ बिहीबार १६:२१:१३ | उज्यालो सहकर्मी

कास्की – गण्डकी प्रदेशका कानुन, सञ्चार तथा प्रदेश सभा मामिला मन्त्री विन्दुकुमार थापाले गठबन्धन सरकारमा मुख्यमन्त्री र अर्थमन्त्री एउटै दलको नहुँदा पश्चात्ताप भएको बताउनुभएको छ ।

नेपाल प्रेस युनियन कास्कीले आज बिहीवार आयोजना गरेको पत्रकार सम्मेलनमा मन्त्री थापाले मुख्यमन्त्री र अर्थमन्त्रीबीच बजेट निर्माणमा कुरा नमिल्दा सोचेअनुसार काम हुन नसकेको समेत स्वीकार गर्नुभयो । गण्डकी सरकारले बजेटको बेला सवारी, मालपोतलगायत क्षेत्रमा गरेको कर वृद्धि चुनावकाे मिति घोषणा भएपछि सच्याएको समेत उहाँले बताउनुभयो । उहाँले बजेट निर्माणका क्रममा आफूले कुनै भूमिका नपाएको र आफ्नो मन्त्रालयले पाइरहेको बजेट कटौती भएकाे गुनासो गर्नुभयो । उहाँले पार्टीले टिकट दिए फेरि पनि कास्की क्षेत्र नम्बर २ बाटै चुनाव लड्ने इच्छा व्यक्त गर्नुभयो ।

उहाँले भन्नुभयो, ‘सङ्घीयतापछि पहिलो प्रदेश सरकार भएका कारण केही कमजोरी भएका हुन सक्छन्, तिनलाई सुधारेर आउँदा दिनमा अगाडि बढ्ने छौँ ।’

मन्त्री थापाले प्रदेश सभा सदस्यमा निर्वाचित भएदेखि अहिलेसम्म खाइपाइ आएको सेवा–सुविधा विकास निर्माण र सामाजिक कार्यमा खर्चिने गरेकोमा अहिलेसम्मको रकम सार्वजनिक गर्नुभयो । विसं २०७४ सालमा निर्वाचित भएदेखि २०७८ चैतसम्म विकास निर्माण र सामाजिक कामा आफूले ५८ लाख २९ हजार रुपैयाँ खर्च गरेको उहाँले जानकारी दिनुभयो । उहाँले प्रदेशसभाको पहिलो वर्ष १० लाख ५४ हजार, दोस्रो वर्ष नाै लाख तीन हजार, तेस्रो वर्ष १२ लाख, ४७ हजार र चौथो वर्ष ११ लाख ३६ हजार रुपैयाँ सामाजिक काममा खर्च भएको बताउनुभयो । थापाले सार्वजनिक गर्नुभएकाे विवरणअनुसार विसं २०७४ सालदेखि अहिलेसम्म उहाँको बैंक खातामा ४० लाख ७१ हजार रुपैयाँ रहेको छ । याे रकम बैठक भत्तादेखि मासिक पारिश्रमिक र अन्य सेवा सुविधासमेतको भएको उहाँले बताउनुभयो ।

मन्त्री थापाले सांसद निर्वाचित हुनुअघि नै राज्यबाट पाउने सेवा, सुविधा सामाजिक सेवामा खर्च गर्ने प्रतिबद्धता जनाउनुभएको थियो ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गठबन्धन सरकारमा मुख्यमन्त्री र अर्थमन्त्री एउटै दलको नहुँदा पछुताे : गण्डकी प्रदेश मन्त्री थापा

फाइल तस्बिर

तपाईको प्रतिक्रिया