सल्यानमा जीप दुर्घटना हुँदा घाइते भएकामध्ये ५ जना नेपालगञ्ज रेफर

 असोज १५, २०७९ शनिबार ११:५९:३१ | पुरुषोत्तम गिरी
unn.prixa.net

सल्यान - सल्यानमा जीप दुर्घटना हुँदा घाइते भएकामध्ये ५ जनालाई नेपालगञ्ज रेफर गरिएको छ । १७ जना घाइतेमध्ये गम्भीर घाइते भएका ५ जनालाई जिल्ला अस्पताल सल्यानबाट नेपालगञ्ज रेफर गरिएको हो ।

गम्भीर घाइते हुनेहरुमा जीप चालक अर्जुन बुढामगर, भूमि पुन, जङ्गबहादुर पुन, अनिता पुन र उहाँका ६ वर्षका छोरा जीवन पुन रहेका प्रहरीले जनाएको छ । अन्य १२ जनाको जिल्ला अस्पताल सल्यान र जनप्रिय पोलिक्लिनिकमा उपचार भइरहेको छ । आज बिहान भएको दुर्घटनामा दुई जनाको ज्यान गएको छ ।

दुर्घटनामा १४ वर्षका एनका पुन र ३९ वर्षका मानबहादुर पुनको ज्यान गएको प्रहरीले जनाएको छ । सल्यानको कुमाख गाउँपालिका–७ जिमालीबाट खैराबाङ भगवती मन्दिर दर्शनका लागि जाँदै गरेको रा १ ज ७९८ नम्बरको जीप जिमालीमा दुर्घटना भएको हो।

यसअघि गएको मङ्गलवार राति सल्यानको कपुरकोट गाउँपालिका मूलपानी नजिकै जीप दुर्घटना हुँदा ९ जनाको ज्यान गएको थियो । 

अन्तिम अपडेट: चैत १२, २०८०

पुरुषोत्तम गिरी

पुरुषोत्तम गिरी सल्यानका उज्यालो सहकर्मी हुनुहुन्छ । 

तपाईको प्रतिक्रिया