मौन अवधिमा बदमासी हुनसक्छ, आयोगले निगरानी गर्नुपर्छ : पूर्वमन्त्री आचार्य

‘प्रमुख नेताहरू उम्मेदवार भएकाे ठाउँमा आयाेगले विशेष ध्यान दिनुपर्छ’

कात्तिक २१, २०७९ सोमबार १४:५५:४१ | उज्यालो सहकर्मी

काठमाण्डाै – पूर्वमन्त्री निलाम्बर आचार्यले राजनीतिक दलका प्रमुख नेताहरू उम्मेदवार भएको क्षेत्रमा चुनावलाई स्वच्छ बनाउन निर्वाचन आयोगलाई आग्रह गर्नुभएको छ ।

हिजाे आइतवार ललितपुरमा आयोजित निर्वाचन आयोगको अभिभाराको सम्बन्धमा गरिएको अन्तरक्रियामा बोल्दै पूर्वमन्त्री आचार्यले प्रमुख नेताहरू उम्मेदवार भएको ठाउँमा निर्वाचन आयोगले विशेष ध्यान दिनुपर्ने बताउनुभयो । उहाँले प्रमुख नेताहरू उम्मेदवार भएको ठाउँमा मतदाताले कर, बल र अनुचित प्रभावविना मतदान गरेको अनुभूति गर्न सक्नुपर्ने बताउनुभयो ।

उहाँले भन्नुभयो, ‘प्रमुख नेताहरू उम्मेदवार भएकाे ठाउँमा निर्वाचन आयाेगले विशेष ध्यान दिनुपर्छ । उनीहरूले म स्वच्छ किसिमले, निष्पक्ष किसिमले, धाँधलीरहित किसिमले अनुचित प्रभावविना मतदानद्वारा निर्वाचित भएको हुँ भन्ने पाउनका निम्ति ती ठाउँमा विशेष ध्यान दिइयोस् भन्ने मेरो आग्रह छ । प्रमुख नेताहरू उम्मेदवार भएको ठाउँलाई स्वच्छताको एउटा मापदण्डको रूपमा प्रस्तुत गरियोस् ।’

पूर्वमन्त्री आचार्यले नेपालमा कुनै बेला रातारात मतपेटिका साटिएकोतर्फ ध्यानाकर्षण गराउँदै मतपेटिकाको सुरक्षाका लागि सतर्कता आवश्यक रहेको बताउनुभयो । उहाँले नागरिकको सजगता र सतर्कताले आयोगलाई पनि सजग र सतर्क हुन मद्दत गर्ने बताउनुभयो । चुनावकाे माैन अवधिमा बदमासी हुन सक्ने भन्दै त्यसतर्फ आयाेगले निगरानी गर्नुपर्ने उहाँकाे भनाइ छ ।

पूर्वमन्त्री आचार्यले कार्यान्वयन हुन सक्नेगरी मात्रै निर्वाचनसम्बन्धी कानुन बनाउनुपर्ने बताउनुभयो । आचारसंहितामा कतिपय कुरा अस्पष्ट रहेको भन्दै त्यसलाई पनि प्रष्ट पार्नुपर्ने उहाँकाे आग्रह छ ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्