चुनावपछि पनि कांग्रेसकै नेतृत्वमा गठबन्धन सरकार : प्रवक्ता महत

कात्तिक २८, २०७९ सोमबार १६:१३:२९ | उज्यालो सहकर्मी

काठमाण्डाै – नेपाली कांग्रेसका प्रवक्ता डा. प्रकाशशरण महतले मङ्सिर ४ गते हुने प्रतिनिधि सभा र प्रदेश सभा चुनावमा सत्तारूढ गठबन्धन फराकिलो मतले विजयी हुने दाबी गर्नुभएको छ ।

आज सोमवार पार्टी केन्द्रीय कार्यालय सानेपामा आयोजित पत्रकार सम्मेलनमा बोल्दै उहाँले यस्तो बताउनुभएको हो । प्रवक्ता महतले चुनावपछि पनि आफ्नो पार्टीको नेतृत्वमा सत्तारूढ गठबन्धनकै सरकार बन्नेसमेत जिकिर गर्नुभयाे । उहाँले भन्नुभयो, ‘सत्तारूढ गठबन्धन फराकिलो बहुमतले विजयी हुनेछ । यही गठबन्धन नेतृत्वले सरकार बनाउनेछ ।’

देशलाई स्थिरतासहित समृद्धिको दिशामा अघि बढाउन सत्तारूढ गठबन्धनको विकल्प नभएको उहाँको भनाइ थियो ।

प्रवक्ता महतले नेकपा एमालेले खुलेआम निर्वाचन आचारसंहिताको उल्लङ्घन गरेको आरोप लगाउँदै कारबाही गर्न पनि निर्वाचन आयोगसँग माग गर्नुभएकाे छ । निर्वाचन आचारसंहिताविरुद्ध एमालेले प्रलोभन दिने, सामाजिक सङ्घ–संस्थाहरूको दुरुपयोग गर्ने काम गर्दा पनि आयोगले कारबाही नगरेको भन्दै आक्रोश व्यक्त गर्नुभयो ।

कांग्रेसले भने निर्वाचन आचारसंहिताको अक्षरशः पालना गरिरहेको उहाँले जिकिर गर्नुभयो । एमालेले जारी गरेको चुनावी घोषणापत्रमा सपना मात्रै बाँडिएको पनि उहाँकाे भनाइ थियाे ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चुनावपछि पनि कांग्रेसकै नेतृत्वमा गठबन्धन सरकार : प्रवक्ता महत

फाइल तस्बिर

तपाईको प्रतिक्रिया