डोटीका सरकारी कर्मचारीले तीन महिनादेखि पाएनन् तलब

असोज १८, २०७५ बिहीबार ९:२२:१२ | विमल बिष्ट

डोटी – डोटीका सरकारी कार्यालयका कर्मचारीले तीन महिनादेखि तलब भत्ता पाउन सकेका छैनन् । प्रदेश सरकार अन्तर्गत रहेका सरकारी कार्यालयका कर्मचारीले तलब पाउन नसकेका हुन् । दसैं आउनै लाग्दा समेत यहाँका विभिन्न कार्यालयका कर्मचारीहरुले तलब नपाएको गुनासो गरेका छन् । प्रदेश मातहत आएका कार्यालयहरु तलब पाउन नसकेको कर्मचारीहरुले आरोप लगाएका छन् ।

गएको साउनदेखि अहिलेसम्म तलब नपाएको सेक्टर वन कार्यालय डोटीका सहायक वन अधिकृत शुरेसचन्द्र डिसीले बताउनु भयो । उहाँले भन्नुभयो ‘तलब नपाएको महिनौ भइसक्यो, लतबको कुरै छोडौँ अब कहाँ हाजिर गर्ने हो त्यो नि पत्तो छैन्, हामी अलपत्रमा छौँ ।’

दसैंको मुखमा तलब नपाउने चिन्तामा आफूहरु रहेको जिल्ला कृषि विकास कार्यालय डोटीका कर्मचारीहरु बताउँछन् । उनीहरु भन्छन् ‘कार्यालय सरीसकेको छ, हामीले त सेतो कागजमा हाजिर गरीरहेका छौँ, तलब कसले दिने र कहिले आउने हो आत्तो पत्तो छैन ।’ त्यस्तै प्रदेश सरकार मातहत स्थापना भएका डोटीका दजनौँ कार्यालयका कर्मचारीहरुले पनि गएको साउनदेखि तलब नपाएको गुनासो गरेका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्