भोजपुरमा ५० प्रतिशत मत खस्यो

मंसिर ४, २०७९ आइतबार १९:१४:१७ | बुद्ध तामाङ

भोजपुर – आज आइतवार भएकाे प्रतिनिधि सभा र प्रदेश सभा सदस्य चुनावमा भाेजपुरमा ५० दशमलव ३९ प्रतिशत मत खसेको छ । भोजपुरमा शान्तिपूर्णरूपमा मतदान सम्पन्न भएको मुख्य निर्वाचन अधिकृत मणिराम न्यौपानेले जानकारी दिनुभयाे ।

अहिले मतदान केन्द्रबाट मुचुल्का उठाएर मतपेटिका सदरमुकाम ल्याउने काम सुरु गरिएको प्रमुख जिल्ला अधिकारी हरिप्रसाद घिमिरेले बताउनुभयाे । उहाँका अनुसार सबै केन्द्रबाट भोलि साेमवार बिहान ९ बजेसम्म मतपेटिका ल्याइने छ ।

सबै केन्द्रका मतपेटिका सदरमुकाम ल्याएपछि सर्वदलीय बैठक बसी मतगणना तत्काल सुरु गर्ने प्रजिअ घिमिरेले बताउनुभयाे । चुनाव सम्पन्न गराउने सहयोग गर्ने राजनीतिक दल, पत्रकार अन्य सङ्घ–संस्था र कर्मचारीहरुलाई उहाँले धन्यवाद दिनुभएकाे छ ।

प्रतिनिधि सभामा एक निर्वाचन क्षेत्र र प्रदेश सभामा दुई वटा निर्वाचन क्षेत्र भएको भोजपुरमा एक सय ५७ वटा मतदान केन्द्र रहेकाे थियो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बुद्ध तामाङ

बुद्ध तामाङ भोजपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्