तेह्रथुम – तेह्रथुममा प्रतिनिधिसभातर्फ नेकपा एमालेले अग्रता लिएको छ । १ हजार ३ मतगणना हुँदा नेकपा एमालेका विजय सुब्बाले ५६० मत प्राप्त गर्नुभएकाे छ । सुब्बाका निकटम प्रतिस्पर्धी नेपाली कांग्रेसकी सीता गुरुङले ३९७ मत प्राप्त गर्नुभएकाे छ।

यस्तै प्रदेशसभा निर्वाचन क्षेत्र १ तर्फ पनि नेकपा एमालेका किशोर चन्द्र दुलालले अग्रता लिनुभएकाे छ । दुलालले ५५२ मत प्राप्त गर्नुभएकाे छ । यस्तै नेपाली कांग्रेसका सन्तोष सुब्बाले ३८१ मत प्राप्त गर्नुभएकाे छ ।

प्रदेश सभा निर्वाचन क्षेत्र २ तर्फ नेकपा माओवादी केन्द्रले अग्रता लिएको छ । १ हजार २३९ मतगणना हुदाँ केन्द्रका दुर्गाप्रसाद चापागाई (सचिन)ले ५३९ मत प्राप्त गर्नुभएकाे छ । नेकपा एमालेका तेजमान कन्दङवाले ४८४ मत प्राप्त गर्नुभएकाे छ ।

प्रतिनिधि सभा र प्रदेश सभा निर्वाचन क्षेत्र १ को मतगणना छथर गाउँपालिका र प्रदेश सभा निर्वाचन क्षेत्र २ को आठराई गाउँपालिकाबाट हुँदैछ । सदरमुकाम म्याङलुङमा रहेकाे सिंहवाहिनी माविभित्र तीन स्थानमा मतगणना भइरहेको छ । ७१ हजार ९ सय ३३ मतदाता संख्या रहेको तेह्रथुममा ४१ हजार १ सय ८० जनाले मतदान गरेका छन् ।