औरही नगरपालिकामा स्थानीयले लगाएको ताला प्रहरीले खोल्याे

असोज १८, २०७५ बिहीबार २०:६:४३ | धनवीर महतो

महोत्तरी – महोत्तरीको औरही नगरपालिकामा स्थानीयले लगाएको ताला फोडेर प्रहरीले कार्यालय सञ्चालनमा ल्याएको छ ।

बिहीबार मध्यान्हको समयमा इलाका प्रहरी कार्यालय गौशालाबाट गएको टोलीले औरही नगरपालिकाको मूल गेटमा स्थानीयहरुले लगाएको ताला फोडेर कार्यालय सञ्चालनमा ल्याएको हो ।

आन्दोलनकारीका तर्फबाट संयोजक दरेश यादवका अनुसार आफूहरुको मागको सुनवाइ नगरिकन प्रहरीको सहयोगमा कार्यालय सञ्चालन गराउनु दुखद कुरा रहेको प्रतिक्रिया दिनुभयो । अब आफूहरुले उठाएको माग प्रदेश नं. २ को सरकारसमक्ष ज्ञापनपत्र बुझाएर समाधान खोजिने संयोजक यादवले जनाउनुभयो ।

जनतालाई प्रत्यक्ष रुपमा सेवा दिइने संस्थामा तालाबन्दी गर्दा सर्वसाधारणहरु प्रभावित भएको भन्दै तालाबन्दी खोलेर कार्यालय सञ्चालनमा ल्याएको इलाका प्रहरी कार्यालय गौशालाले जनाएको छ ।

आफूहरुले नगरपालिकामा बुझाईएको मागको सम्बन्धमा नगरपालिकाले सुनवाइ नगरेको भन्दै विभिन्न चरणका आन्दोलनका कार्यक्रम गर्दै आएका स्थानीयहरुले गएको असोज १६ गतेदेखि कार्यालयको मूल गेटमा धर्ना दिई आन्दोलन गर्दै आएका थिए ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्