प्रतिनिधि सभामा प्रत्यक्षतर्फ अहिलेसम्म ५ जनामात्रै महिला उम्मेदवार विजयी

मंसिर ८, २०७९ बिहीबार १९:४८:२३ | उज्यालो सहकर्मी

काठमाण्डाै – प्रतिनिधि सभामा प्रत्यक्षतर्फ अहिलेसम्म पाँच जना महिला विजयी भएका छन् । केहीबेर अघिसम्मको नतिजाअनुसार कास्की २ मा नेकपा एमालेकी विद्या भट्टराई, दाङ–२ मा नेकपा माओवादी केन्द्रकी रेखा शर्मा, राष्ट्रिय स्वतन्त्र पार्टीबाट काठमाण्डाै–२ मा सोबिता गौतम, ललितपुर–३ मा तोसिमा कार्की र कैलाली–१ मा नागरिक उन्मुक्ति पार्टीकी अध्यक्ष रञ्जिता श्रेष्ठ विजयी हुनुभएको छ ।

महिला उम्मेदवार रहेका केही निर्वाचन क्षेत्रमा मतगणना भइरहेको छ । जसमध्ये तेह्रथुममा नेपाली कांग्रेसकी सीता गुरुङ, सुनसरी–३ मा एमालेकी भगवती चौधरी र धनुषा–३ मा एमालेकी जुली महतोले अग्रता लिइरहनुभएको छ । मोरङ २ मा कांग्रेसकी सुजाता कोइराला, दाङ–३ मा एमालेकी कोमल वली, दाङ–१ मा एमालेकी शान्ता चौधरी, कञ्चनपुर–१ मा माओवादी केन्द्रकी बिना मगर र सिरहा–२ मा उम्मेदवार बनेकी कांग्रेसकी चित्रलेखा यादव प्रतिस्पर्धामा हुनुहुन्छ ।

शीर्ष नेत्रीहरू कांग्रेसबाट मकवानपुर–१ मा महालक्ष्मी उपाध्याय डिना, माओवादीबाट ललितपुर–३ मा पम्फा भुसाल, काठमाण्डौ–२ मा ओनसरी घर्ती पराजित हुनुभएको छ । एमाले सचिव पद्मा अर्याल उम्मेदवार रहनुभएको स्याङ्जा–२ मा भने अझै मतगणना सुरु भएको छैन ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्