भण्डारीलाई बधाई दिँदै ज्ञवालीले भन्नुभयाे, ‘फुटबल चलिरहेको छ, २/२ गोल भयो’

मंसिर ९, २०७९ शुक्रबार १६:२७:३५ | जनार्दन घिमिरे

गुल्मी – नेपाली कांग्रेसका उमेदवार डा. चन्द्र भण्डारी गुल्मी क्षेत्र नम्बर १ बाट दोस्राे पटक प्रतिनिधि सभा सदस्यमा निर्वाचित हुनुभएकाे छ । २०६४ सालदेखि एमाले नेता प्रदीपकुमार ज्ञवालीसँग चुनावी प्रतिस्पर्धा गर्दै आउनुभएका भण्डारी २०७० र २०७९ गरी दुई पटक विजयी बन्नुभएको हो । मुख्य निर्वाचन अधिकृत वसन्तराज पौडेलले भण्डारीलाई विजयी भएको घोषणा गर्दै निर्वाचित भएको प्रमाणपत्र हस्तान्तरण गर्नुभएको हो ।

भण्डारीले ३३ हजार ७ सय ४४ मत प्राप्त गर्नुभएको मुख्य निर्वाचन अधिकृत पौडेलले जानकारी दिनुभयो । उहाँका प्रतिस्पर्धी नेकपा एमालेका प्रदीपकुमार ज्ञवालीले ३२ हजार १ सय ५२ मत प्राप्त गर्नुभयाे । भण्डारीले १ हजार ५ सय ९२ मतान्तरले ज्ञवालीलाई पछि पार्दै जित हासिल गर्नुभएको हो ।

ज्ञवालीले मतगणना स्थलमै पुगेर भण्डारीलाई खादा ओढाएर बधाई दिनुभयाे । भण्डारीलाई बधाईको अवसरमा हार्दिकता साट्दै उहाँले ‘फुटबल चलिरहेको छ, दुई/दुई गोल भयो’ भन्दै ठट्यौली पारामा कुराकानी गर्नुभएको थियो ।

यस क्षेत्रमा ज्ञवाली र भण्डारीको यो चौथो प्रतिस्पर्धा हो । ज्ञवाली भण्डारीसँगको प्रतिस्पर्धामा २०६४ र २०७४ मा विजयी हुनुभएको थियो ।

यस क्षेत्रमा १ लाख १९ हजार २ सय ८८ जना मतदाता रहेकामा ७० हजार ६ सय १७ जना मतदान प्रक्रियामा सहभागी भएका थिए ।

तस्बिर साैजन्य : नारायण पाैड्याल

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्