दार्चुलामा नरसिंह विष्टको हत्यामा संलग्न अभियुक्त सार्वजनिक, अदालतबाट ७ दिनको म्याद थप

मंसिर १२, २०७९ सोमबार १८:०:४४ | उज्यालो सहकर्मी

दार्चुला – दार्चुलाको व्यास गाउँपालिका–४ डोकटका नरसिंह विष्टको हत्यामा संलग्न एक जना अभियुक्तलाई प्रहरीले आज साेमवार सार्वजनिक गरेको छ । घटना घटेको एक हप्तापछि प्रहरीले विष्टको हत्यामा संलग्न व्यासकै चौपखेका २५ वर्षीय दीपक विष्टलाई पक्राउ गरि सार्वजनिक गरेको हो ।

यही मङ्सिर ३ गते राति १० बजेतिर व्यास ४ काे दार्चुला–तिङ्कर सडक खण्डमा नरसिंह र दीपक दुवै जनाले रक्सी खाएकाे अवस्थामा भेट हुँदा विवाद भएको र दीपकले नरसिंहकाे टाउकोमा ढुङ्गा प्रहार गरेर हत्या गरेको खुल्न आएको प्रहरीले जनाएको छ ।

नरसिंहकाे हत्या गरेर शवलाई घिसारेर सडकबाट तल गोदार खोलामा लगेर ढुङ्गाले च्यापेको अभियुक्त दीपकले स्वीकार गरेको जिल्ला प्रहरी कार्यालय दार्चुलाले जनाएको छ । अभियुक्त विष्टलाई पक्राउ गरि दार्चुला जिल्ला अदालतबाट सात दिनको म्याद थप गरी अनुसन्धान भइरहेकाे प्रहरीले बताएको छ ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्