काठमाण्डाै महानगरपालिकाकाे कार्यालय अगाडि सुकुम्बासीहरुको प्रदर्शन

 मंसिर १३, २०७९ मंगलबार १२:३९:५ | उज्यालो सहकर्मी
unn.prixa.net

काठमाण्डाै - काठमाण्डाै थापाथलीकाे बाग्मती नदी किनारका सुकुम्बासीहरुले काठमाण्डाै महानगरपालिकाको कार्यालय अगाडि विराेध प्रदर्शन गरेका छन् ।

धेरै सङ्ख्यामा जम्मा भएका सुकुम्बासीहरुले आफूहरुलाई सुकुम्बासी बस्तीबाट महानगरपालिकाले बलपूर्वक हटाउन लागेकोमा विराेध प्रदर्शन गरेका हुन् । महानगरपालिकाले सोमवार सुकुम्बासी बस्ती हटाउनका लागि डोजर लिएर गएपछि याे क्षेत्र तनावग्रस्त बनेको थियो ।

महानगरपालिकाको कदमप्रति सुकुम्बासीहरुले प्रतिरोध गर्दा केही महानगर प्रहरीहरु घाइतेसमेत भएका थिए । नाराबाजीसहित महानगरपालिका पुगेका सुकुम्बासीहरुले महानगरपालिकाका मेयर बालेन्द्र शाह विरुद्ध नाराबाजी गरेका थिए । उनीहरुले 'सुकुम्बासी एक हौँ, बालेन साह होसियार, सूचना आतङ्क बन्द गर' लगायतका नाराबाजी गरेका थिए ।

‘भूमिहिन,सुकुम्बासी, अव्यवस्थित बसोवासी र स्ववासीका घर, टहरा जबरजस्ती हटाउनका लागि प्रकाशित सूचनाको विरुद्ध बृहत् खबरदारी र्‍याली’ नाम दिइएको विराेध प्रदर्शनमा निधारमा कालोपट्टी बाँधेर प्रदर्शनकारी उपस्थित भएका थिए ।सुकुम्बासी सम्बद्ध दुई दर्जनभन्दा बढी सङ्घ, सङ्गठन र मोर्चाहरुको नाममा विराेध प्रदर्शन भएको थियो ।

अन्तिम अपडेट: चैत १४, २०८०

तपाईको प्रतिक्रिया