पत्रकारसँग प्रचण्डको गुनासो : सडकका खाल्डामात्रै हैन सरकारले देशकै खाल्डा पुरेको छ, चर्चा हुनुपर्‍याे

असोज २०, २०७५ शनिबार १८:९:५७ | उज्यालो सहकर्मी

गोरखा – गोरखा सदरमुकाममा शनिबारबाट सुरु भएको दसैँ सस्तो बजार मेला उद्घाटनमा आउनु भएका प्रचण्डले पत्रकारहरुसँगको भेटघाटमा सरकारले गरिरहेका राम्रा कामको प्रचार कम भएको गुनासो गर्नुभयो ।

भूपरिवेष्ठित राष्ट्र नेपाल अब विभिन्न बन्दरगाहसँग जोडिन लागेको भन्दै उहाँले चीनसँगको ४ वटा बन्दरगाह प्रयोग गर्नेबारे भएको सम्झौतालाई सरकारको उल्लेख्य कामको रुपमा चर्चा गर्नुभयो ।

‘साथीहरु सडकको खाल्डोको मात्रै चर्चा गर्नुहुन्छ’, पत्रकारहरुसँग ठट्यौली पारामा उहाँले भन्नुभयो, ‘देशमा खाल्डा पुर्ने भन्दा ठूल्ठूला काम भएका छन्, तिनको पनि चर्चा गर्नुपर्‍याे ।’

तर सडकलगायत पूर्वाधारलाई व्यवस्थित बनाउने दिशामा पनि सरकार गम्भीर भएर लागिरहेको उहाँको दाबी छ । देशमा बढ्दो बलात्कारलगायत आपराधीक घटना न्यूनीकरणका लागि प्रभावकारी उपाय अबलम्बन भएन भन्ने नागरिकका गुनासोको छिट्टै अन्त्य गरिने प्रचण्डको भनाई थियो ।

संघीयता कार्यान्वयनका लागि अत्यावश्यक पर्ने ऐन कानून बनाउने काममा सरकार व्यस्त हुनु परेको भन्दै उहाँले देशको आर्थिक समृद्धिका कामहरु अब सुुरु भएको बताउनुभयो ।

‘असोज ३ गतेसम्म बनाइसक्नु पर्ने सबै कानून बनिसकेका छन्’, प्रचण्डले भन्नुभयो, ‘ती कानून नबनाएका भए देशमा ठूलो संवैधानिक संकट आउन सक्थ्यो, त्यो टरेको छ, अब आर्थिक समृद्धि र विकासका काममा सरकारको ध्यान केन्द्रीत हुन्छ ।’

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्