आज अन्तर्राष्ट्रिय पर्वत दिवस, नेपालमा पनि विभिन्न कार्यक्रम गरी मनाइँदै

मंसिर २५, २०७९ आइतबार ७:४१:४ | उज्यालो सहकर्मी

काठमाण्डाै - आज अन्तर्राष्ट्रिय पर्वत दिवस, नेपालमा पनि विभिन्न कार्यक्रम गरी मनाइँदैछ । जलवायु परिवर्तन र जनसङ्ख्या वृद्धिका कारण पर्वतीय क्षेत्रमा पारेको असर न्यूनीकरणमा जोड दिँदै प्रत्येक वर्ष डिसेम्बर ११ मा यो दिवस मनाइन्छ ।

पर्वतीय जीवनका बारेमा सचेतना जगाउने उद्देश्यले सन २००३ देखि पर्वत दिवस मनाउन थालिएको हो । यस वर्षको अन्तर्राष्ट्रिय पर्वत दिवसको नारा वुमन मुभ माउन्टेन अर्थात् महिलाहरुले पर्वतलाई चलाउन सक्छन् भन्ने रहेको छ ।

हिमालको देश भनेर चिनिने नेपालको कुल भूभागको १५ प्रतिशत भूभाग हिमाली क्षेत्रले ओगटेको छ । हिमाली जडीबुटी, हिमाली जीवजन्तु लगायतको उपलब्धताका हिसाबले नेपाल विश्वमै चर्चित छ ।

यस्तै नेपाल पर्वतारोहण तथा पदयात्राका लागि विश्वको रोजाइमा पर्ने गन्तव्य हो । यस वर्षको नारा जस्तै नेपालको पर्वतीय क्षेत्रमा महिलाहरुको प्रभाव बढ्दै गएको छ । पर्वतारोहण तथा पदयात्रामा व्यावसायिक महिलाहरुको सङ्ख्या बढ्दै जानुले हिमालमा महिलाको प्रभाव बढेको देखाउँछ ।

नेपाली एकल महिलाको प्रतिनिधित्व गर्दै सगरमाथाको शिखरमा पुग्नुभएकी सोलुखुम्बुकी फुरदिकी शेर्पा हिमाल चढ्ने तथा पथ प्रदर्शकको काम गर्नेहरु बढेका बताउनुहुन्छ । तर हिमालमा हिउँ घट्दै र हिमाली संस्कृति हराउँदै गएकोले पर्वतीय क्षेत्र समस्यामा पर्न थालेको उहाँको अनुभव छ ।

हिमालका आधारशिविरहरुमा आफूले देखेको भन्दा फरक दृष्य देखा परिसकेको उहाँ बताउनुहुन्छ । जलवायु परिवर्तन लगायतका कारण नेपालको पर्वतीय क्षेत्र पनि समस्यामा पर्दै गएको छ । पछिल्लो दशकमै हिमालमा हिउँ पग्लिने क्रम निकै बढेको हिउँ संरक्षणको अभियान चलाइरहनुभएका पीके शेर्पा बताउनुहुन्छ ।

हिमाली क्षेत्रमा पानी पर्ने क्रम बढ्नु र हिउँ पग्लनुले हिमाली जनजीवन समस्यामा पर्दै गएको झण्डै दुई दशकदेखि हिमाली क्षेत्रमा वन्यजन्तुको फोटो खिच्दै आउनुभएका वाइल्डलाइफ फोटोग्राफरक टसी आर घले बताउनुहुन्छ ।

हिमाली क्षेत्रमा हुने गतिविधि बढेसँगै हिमालमा फोहरको मात्रा पनि बढ्दै गएको छ । यस्तै, हिमाली वन्यजन्तु र वनस्पतिहरु मासिने क्रम पनि बढिरहेकाले पर्वतीय क्षेत्रको संरक्षणका लागि थप पहल आवश्यक रहेको संरक्षणकर्मीहरु बताउँछन् ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आज अन्तर्राष्ट्रिय पर्वत दिवस, नेपालमा पनि विभिन्न कार्यक्रम गरी मनाइँदै

मनास्लु हिमालको आधारशिविरमा आरोहीहरुको शिविर । फोटो सौजन्य : सेभेन समिट ट्रेक

तपाईको प्रतिक्रिया