काकीकाे हत्या गरेकाे आराेपमा भतिज पक्राउ

पुष १२, २०७९ मंगलबार २०:१६:८ | उज्यालो सहकर्मी

धनुषा – धनुषामा काकीकाे हत्या गरेकाे आराेपमा भतिज पक्राउ परेका छन् । ३० वर्षीया काकी कवितादेवी साहकाे हत्या गरेकाे आराेपमा विदेह नगरपालिका ७ का २० वर्षीय दीलिपकुमार पक्राउ परेका जिल्ला प्रहरी कार्यालय धनुषाले जनाएको छ ।

यसअघि प्रहरीले साेमवार बेलुकी कवितादेवीकाे आफ्नै घरमा करेन्ट लागेर ज्यान गएकाे र उहाँकी १४ महिनाी छाेरी घाइते भएकाे जानकारी प्राप्त गरेकाे थियाे । तर यस घटनाकाे अनुसन्धान गर्दै जाँदा प्रहरीले दीलिपले हत्या गरेकाे खुलेकाे प्रहरी कार्यालय धनुषाका प्रहरी नायब उपरीक्षक प्रदीपबहादुर क्षेत्रीले जानकारी दिनुभयाे ।

प्रहरीको अनुसन्धान टोली घटनास्थलमा पुग्दा अनुहारमा गहिराे चाेट लागेकाे अवस्थामा कवितादेवीकाे शव फेला परेकाे थियाे । अनुसन्धान गर्दै जाँदा दीलिपलाई शङ्कास्पद अवस्थामा फेला पारेको र उनको हातका औँला र घाटीकाे भागमा चिथाेरिएकाे दाग देखिएको थियो । प्रहरी नायब उपरीक्षक क्षेत्रीका अनुसार दीलिपले रगत लागेकाे गन्जी र पाइन्ट झाेलाभित्र लुकाएर राखेकाे अवस्थामा भेटिएकाे थियाे ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्