यो वर्ष धान उत्पादन बढ्याे, पोहोरभन्दा साढे ३ लाख मेट्रिक टन धेरै

पुष १४, २०७९ बिहीबार १९:४७:८ | उज्यालो सहकर्मी

काठमाण्डाै – यो वर्ष धान उत्पादनमा वृद्धि भएको छ । कृषि तथा पशुपक्षि विकास मन्त्रालयका अनुसार गएको वर्षभन्दा यो वर्ष साढे तीन लाख मेट्रिक टनले धान उत्पादन बढेको हो ।

मन्त्रालयले आज बिहीवार सार्वजनिक गरेको प्रारम्भिक अनुमानअनुसार यो वर्ष ५४ लाख ८६ हजार चार सय ७२ मेट्रिक टन धान उत्पादन हुने देखिएको छ । याे परिमाण गएको वर्षभन्दा तीन लाख ५५ हजार आठ सय ४७ मेट्रिक टनले धेरै हो । आर्थिक वर्ष २०७८/७९ मा ५१ लाख ३० हजार छ सय २५ मेट्रिक टन मात्रै धान उत्पादन भएको थियो ।

यो वर्ष प्रतिहेक्टर उत्पादकत्व तीन दशमलव ७९ प्रतिशतले वृद्धि हुँदा समग्र धान उत्पादन वृद्धिदर गएको वर्षको भन्दा छ दशमलव ९४ प्रतिशत रहेको मन्त्रालयले जनाएको छ । गएको वर्षभन्दा धान रोपाइँ हुने क्षेत्रफल घट्दा पनि धान उत्पादनमा भने वृद्धि हुने देखिएको मन्त्रालयका प्रवक्ता प्रकाशकुमार सञ्जेलले बताउनुभयो ।

प्रदेश १ मा १३ लाख ३६ हजार ५७, मधेस प्रदेशमा १३ लाख ८८ हजार आठ सय ४१, बाग्मती प्रदेशमा पाँच लाख चार सय ४६, गण्डकी प्रदेशमा तीन लाख ९१ हजार एक सय २१, लुम्बिनीमा ११ लाख ५१ हजार तीन सय १३, कर्णालीमा एक लाख २९ हजार चार सय ७३ र सुदूरपश्चिम प्रदेशमा पाँच लाख ८९ हजार दुई सय २१ मेट्रिक टन धान उत्पादन भएको मन्त्रालयले जनाएकाे छ ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

यो वर्ष धान उत्पादन बढ्याे, पोहोरभन्दा साढे ३ लाख मेट्रिक टन धेरै

फाइल फाेटाे

तपाईको प्रतिक्रिया