सांसद भण्डारीको घरमा ग्यास लिक भएर आगलागी भएको प्रहरीको प्रारम्भिक अनुमान

 फागुन ४, २०७९ बिहीबार १५:१:१८ | उज्यालो सहकर्मी
unn.prixa.net

सांसद भण्डारीकाे घर, तस्बिर : सामाजिक सञ्जाल

काठमाण्डौ – नेपाली कांग्रेसका नेता एवम् प्रतिनिधि सभा सदस्य चन्द्र भण्डारीको घरमा ग्यास सिलिन्डर पड्केर आगलागी नभएको प्रहरीले बताएकाे छ । ग्यास लिक भएर आगलागी भएको हुनसक्ने प्रहरीको प्रारम्भिक अध्ययन छ ।

काठमाण्डौ प्रहरी परिसरका प्रवक्ता सीताराम रिजालले ग्यास लिक भएर आगलागी भएको तर सिलिन्डर विस्फोट भएको भन्ने जानकारी नभएको बताउनुभयाे । ग्यास लिक भएर आमाले बोलाएपछि गएर बत्ती बालेर हेर्दा आगलागी भएको भन्ने आशङ्का प्रहरीको छ । रिजाल भन्नुहुन्छ, ‘ग्यास लिक भएपछि आमाले छोरालाई बोलाउनुभयो । छोरा आएर बिजुली बत्ती बाल्दा 'स्पार्क' भएर आगलागी भएको हो कि भन्ने आशङ्का छ ।’

आगलागी हुँदा आमा बढी घाइते हुनुको कारण भने अहिले नै भन्न नसकिने रिजालले बताउनुभयो । उहाँ भन्नुहुन्छ, ‘आगलागी हुँदा को, कहाँ, के कति हुन्छ भन्ने कुरा पछि अनुसन्धानबाट खुल्ला । अहिलेलाई यसै भन्न सकिँदैन । को किन बढी जल्यो, को कम जल्यो अहिले भन्न सकिँदैन ।’ यो सबै विषय अहिले अनुमानको रूपमा रहेको र अनुसन्धानपछि खुल्ने पनि खनालले बताउनुभयो ।

काठमाण्डौको बुद्धनगरमा रहेको घरमा बुधवार राति साढे १० बजे ग्यास सिलिन्डर विस्फोट हुँदा भण्डारी र उहाँकी आमा हरिकला जलेर घाइते हुनुभएको थियाे । आमा हरिकलाको भने उपचारका क्रममा बिहान निधन भएको छ ।

अन्तिम अपडेट: पुस ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई