अन्तर्राष्ट्रिय मैत्रीपूर्ण फुटबल : साउदीलाई ब्राजिलले हरायो, उरुग्वे दक्षिण कोरियासँग हार्‍याे

असोज २७, २०७५ शनिबार ६:२९:१९ | एजेन्सी

अन्तर्राष्ट्रिय मैत्रीपूर्ण फुटबलमा ब्राजिलले साउदी अरेबियालाई हराउँदा उरुग्वे भने दक्षिण कोरियासँग पराजित भएको छ ।

फिफाको क्यालेन्डर अन्तगर्त शुक्रबार राति भएको मैत्रीपूर्ण खेलमा ब्रजिलले १० खेलाडीमा झरेको साउदीलाई दुई–शून्यले हरायो । ब्राजिलको जितमा गाब्रियल जिसस र एलेक्स सान्द्रोले एक –एक गोल गरे । खेलको ४३ औं मिनेटमा जिससको गोलमार्फत ब्राजिलले अग्रता बनायो । त्यसपछि ८५ औं मिनेटमा साउदी १० खेलाडीमा झर्न पुग्यो । साउदी मोहम्मद अल ओइस रातो कार्ड पाउँदै मैदानबाट बाहिरिए । ९० औं मिनेटमा सान्द्रोले गोल गर्दै ब्राजिललाई दुई–शून्यको जित दिलाए ।

यस्तै अर्को खेलमा उरुग्वे दक्षिण कोरियासँग दुई–एकले स्तब्ध भयो । निकै रोमाञ्चक बनेको खेलको पहिलो हाफ गोलरहित बराबरी भएको थियो ६६ औं मिनेटमा हाङ उइ जोले गोल गर्दै कोरियालाई अग्रता दिलाए । ७२ औं मिनेटमा भिसिनोले उरुग्वेका लागि बराबरी गोल गरे । तर ७९ औं मिनेटमा पुनः जुङ ओ योङले गोल गर्दै कोरियाको जित सुनिश्चित गरे ।

अन्य खेलमा जापानले पनामालाई तीन–शून्यले हराउँदा कतारले इक्वेडरलाई चार–तीनले पराजित गर्यो । यस्तै कोलम्बियाले अमेरिकालाई चार–दुईले पाखा लगायो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्