कीर्तिपुर ४ का वडाध्यक्ष अधिकारीको विष्णुदेवीघाटमा अन्त्येष्टि

वैशाख ११, २०८० सोमबार १६:४६:२८ | उज्यालो सहकर्मी

काठमाण्डाै – मोटरसाइकल दुर्घटनामा ज्यान गुमाएका कीर्तिपुर नगरपालिका वडा नम्बर ४ का वडाध्यक्ष श्यामकुमार अधिकारीको अन्त्येष्टि गरिएको छ । कीर्तिपुर नगरपालिकाको सिमाना चन्द्रागिरि नगरपालिकामा रहेको विष्णुदेवीघाटमा उहाँकाे अन्त्येष्टि गरिएको हो ।

अन्त्येष्टिअघि अधिकारीकाे पार्थिव शरीरलाई श्रद्धाञ्जलीका लागि कीर्तिपुर नगरपालिकाको कार्यालयमा राखिएको थियो । श्रद्धाञ्जलीपछिको शवयात्रामा कीर्तिपुर नगरपालिकाका जनप्रतिनिधि, स्थानीय राजनीतिक दलका नेता कार्यकर्ता, शिक्षक, विद्यार्थी, व्यापारीसहित स्थानीयवासीकाे ठूलो सङ्ख्यामा उपस्थिति थियो । वडाध्यक्ष अधिकारीको निधनमा कीर्तिपुर नगरपालिकाले आज नगर क्षेत्रमा शोक बिदा पनि दिएको छ ।

वैशाख १ गते मोटरसाइकल दुर्घटनामा गम्भीर घाइते हुनुभएका अधिकारीको उपचारका क्रममा हिजो आइतवार अन्नपूर्ण न्यूरो अस्पताल माइतीघरमा निधन भएको हो । चम्पादेवी मन्दिर जाने बाटो मर्मत गरेर फर्कने क्रममा उहाँ चढेको मोटरसाइकल दुर्घटनामा परेको थियो ।

अधिकारी पोहोर भएको पालिका चुनावमा स्वतन्त्र उम्मेदवार बनेर कीर्तिपुर ४ को वडाध्यक्षमा निर्वाचित हुनुभएको थियो ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्