भिजिट भिसामा विदेश पुर्‍याएर अलपत्र पार्ने क्रम बढ्यो, प्रमाण नहुँदा न्याय पाउन समस्या

 जेठ २३, २०८० मंगलबार ११:१७:५३ | उज्यालो सहकर्मी
unn.prixa.net

प्रतिकात्मक तस्बिर

काठमाण्डौ – विभिन्न व्यक्ति तथा संस्थाले आकर्षक तलब सुविधाको प्रलोभन देखाएर भिजिट भिसामा विभिन्न देश पुर्‍याएर अलपत्र पार्ने क्रम बढेको छ ।

वैदेशिक रोजगार विभागका अनुसार विभिन्न कन्सल्टेन्सी र व्यक्तिहरूले राम्रो काम र कमाइको लोभ देखाइ भिजिट भिसामा लैजाने र विभिन्न देशमा पुर्‍याएर अलपत्र पारी ठगी गर्ने क्रम बढेको हो । 

मोबाइल नम्बर, फेसबुक, युटुयुव लगाएका सूचना प्रविधिको प्रयोग गरी फिलिपिन्स, इजरायल, माल्टा लगायतका देशमा आकर्षक तलब र सुविधाको प्रलोभन देखाउने, पैसा उठाउने र गैरकानुनी ढङ्गबाट यी देशमा पुर्‍याइ अलपत्र पार्ने क्रम पछिल्लो समय बढ्दै गएको छ । 

यसरी वैदेशिक रोजगारीको प्रलोभन देखाउने र ठगी गरेर भाग्ने क्रम बढेपछि विभागमा यस प्रकृतिको उजुरी पनि दिनहुँ बढिरहेको छ । 

तर बिना प्रमाणका यस्ता मुद्दामा पीडितलाई समयमा न्याय दिन कठिन भएको विभागले जनाएको छ । लाखौँ रुपैयाँ ठगी भएको हुँदा पनि प्रमाण नहुँदा ठग्ने व्यक्तिलाई कारबाही गर्न समय लाग्ने गरेको छ । 

त्यसैले वैदेशिक रोजगारीमा जाँदा इजाजत लिएका म्यानपावर कम्पनीमार्फत मात्र जान  र वैदेशिक रोजगारीको लागि रकम बुझाउँदा प्रयोजन खुलाई भरपाई साथमा राख्न विभागले अनुरोध गरेको छ ।

 विदेशमा काम गर्न सरकारसँग श्रम स्वीकृति लिएर मात्र जानु पर्छ । घुम्नका लागि जाने भिजिट भिसामा कामका लागि जाँदा विदेशमा पुगेपछि अलपत्र पर्ने र ठगिने सम्भावना हुन्छ । 

अन्तिम अपडेट: पुस ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई