यूएईले श्रमिकलाई मध्यान्हको समयमा सिधा घाम पर्ने ठाउँमा काममा लगाउन लगायो प्रतिबन्ध

असार ६, २०८० बुधबार १३:१८:३२ | उज्यालो सहकर्मी

काठमाण्डौ – यूएईले पनि मध्यान्हको समयमा श्रमिकलाई सिधा घाम पर्ने खुला ठाउँमा काम लगाउन प्रतिबन्ध लगाएको छ ।

जुन १५ अर्थात् गएको जेठ ३२ गतेदेखि मध्यान्ह साढे १२ बजेदेखि ३ बजेसम्म सिधा घाम पर्ने खुला ठाउँमा श्रमिकलाई काममा लगाउन प्रतिबन्ध लगाएको स्थानीय सञ्चार माध्यमले खबर लेखेका छन् । यो नियम आउँदो सेप्टेम्बर १५ सम्म लागू हुने छ ।

प्रतिबन्ध लगाएको समयमा खुला ठाउँमा काम लगाएको पाइएमा रोजगारदातालाई प्रत्येक श्रमिक बराबर पाँच हजार दिर्हाम जरिबाना हुने छ ।

रोजगारदाताले यो समयमा जबरजस्ती काममा लगाएमा ६००५९०००० नम्बरमा फोन गरेर जानकारी दिन सकिने यूएईले जनाएको छ ।

यूएई सरकारको यो निर्णयले दैनिक कार्य घण्टालाई आठ घण्टामा सीमित गरेको छ । तर यो भन्दा बढी समय काम लगाएमा त्यसलाई ओभर टाइमको रूपमा गनिने र त्यस बापत थप रकम रोजगारदाताले श्रमिकलाई दिन पर्ने छ ।

यसअघि साउदीले पनि मध्यान्ह र दिउँसोको समयमा सिधा घाम पर्ने ठाउँमा काम गर्न प्रतिबन्ध लगाएको छ । खाडीका देशमा यो समयमा चर्को घाम लाग्ने हुँदा सिधा घाम पर्ने ठाउँमा काम गर्न प्रतिबन्ध लगाउने गरिन्छ ।

खाडीका सबैजसो देशले यो नियम कार्यान्वयनमा ल्याउने गर्छन् ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्