शिक्षक भर्ना प्रक्रिया कार्यान्वयन नगर्न महाकाली नगरपालिकाकाे नाममा अल्पकालीन अन्तरिम आदेश

असार ३१, २०८० आइतबार १९:५०:१० | ललित सामन्त

दार्चुला – जिल्ला अदालत दार्चुलाले महाकाली नगरपालिकाको नाममा अल्पकालीन अन्तरिम आदेश जारी गरेकाे छ । नगर शिक्षक पदको आन्तरिक प्रतियोगितात्मक परीक्षाको विज्ञापन २०८० लाई कार्यान्वयन नगर्न अदालतले नगरपालिकाकाे नाममा अल्पकालीन अन्तरिम आदेश जारी गरेको जिल्ला अदालत दार्चुलाका स्रेस्तेदार कोशलेश्वर ज्ञवालीले जानकारी दिनुभयो ।

आइतवार जिल्ला न्यायाधीश खेमराज भट्टको एकल इजलासले २०८० असार २४ गते नगरपालिकाले गरेको नगर शिक्षक पदको आन्तरिक प्रतियोगितात्मक परीक्षा विज्ञापन २०८० लाई तत्काल कार्यान्वयन नगर्न अल्पकालीन अन्तरिम आदेश जारी गरेको उहाँले बताउनुभयो । निवेदकहरूले अन्तरिम आदेशको माग गरेको देखिँदा त्यस सम्बन्धमा दुवै पक्षलाई राखी छलफल गर्नु मनासिब देखिएकोले अदालतले आउँदाे बिहीवार दुवै पक्षलाई बाेलाएकाे स्रेस्तेदार ज्ञवालीले बताउनुभयो ।

महाकाली नगरपालिकाले असार २४ गते आधारभूत तह (कक्षा ६–८) र माध्यमिक तह (कक्षा ९–१०) मा ३३ जना नगर शिक्षक भर्नाका लागि दरखास्त आह्वान गरेको थियाे । नगरपालिकाले आधारभूत तहका नाै वटा विद्यालयमा २१ जना र माध्यमिक तहका सात वटा विद्यालयमा १२ जना शिक्षक भर्ना गर्न विज्ञापन गरेकाे थियाे ।

नगरपालिकाकाे निर्णयविरुद्ध मालिकार्जुन गाउँपालिका–२ बस्ने सुन्दर सिंह धामीसहित तीन जनाले निवेदन दिएका थिए । निवेदनमाथि अधिवक्ताद्वय धिरेन्द्र साउँद र हरिशचन्द्र जोशीले बहस गरेपछि विपक्षी महाकाली नगरपालिकाकाे नाममा अल्पकालीन अन्तरिम आदेश जारी भएकाे न्यायाधीश खेमराज भट्टले जानकारी दिनुभयाे ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

ललित सामन्त

सामन्त दार्चुलाका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्