गुल्मीकाे छत्रकोट पूर्ण पोषणमैत्री पालिका घोषणा

साउन ७, २०८० आइतबार १९:३०:५१ | उज्यालो सहकर्मी

गुल्मी – गुल्मीको छत्रकोट गाउँपालिका पूर्ण पोषणमैत्री स्वास्थ्य संस्थायुक्त पालिका घोषणा भएको छ । छत्रकोटअन्तर्गत रहेका १४ वटा स्वास्थ्य संस्थाले पोषणसम्बन्धी सबै सूचक पूरा गरेपछि एक कार्यक्रममार्फत पालिकालाई पोषणमैत्री स्वास्थ्य संस्थायुक्त गाउँपालिका घोषणा गरिएको छत्रकोट गाउँपालिका अध्यक्ष रामप्रसाद पाण्डेयले बताउनुभयो ।

पालिकाले २०७९ जेठ १६ गते वडा नम्बर २ को पल्लिकोट स्वास्थ्य चौकीलाई पोषणमैत्री स्वास्थ्य संस्था घोषणा गरेसँगै शुरु गरेको अभियानले चाँडै नै सार्थकता पाएको गाउँपालिकाकाे स्वास्थ्य शाखाका प्रमुख श्यामसुन्दर पोखरेलले जानकारी दिनुभयाे । यस अभियानअन्तर्गत १२ वटा अनिवार्य मापदण्ड र १६ वटा पोषणमैत्री सूचकका सबै काम पूरा गरेको शाखा प्रमुख पोख्रेलले बताउनुभयो ।

पोषणमैत्री स्वास्थ्य संस्था कार्यान्वयन निर्देशिका २०७९ मा पूर्ण पोषणमैत्री पालिका घोषणाका लागि महिला गर्भवती बनेपछि नियमित जाँच, सुत्केरी जाँच, आइरनको मात्रा पूरा, संस्थागत सुत्केरी, बच्चा जन्मेको एक घण्टाभित्रमा स्तनपान, पूर्ण स्तनपानलगायतका सूचकहरू पूरा गर्नुपर्ने उल्लेख गरिएको छ ।

कार्यक्रममा जिल्ला समन्वय समिति गुल्मीका प्रमुख द्रोर्णबहादुर खत्रीले पालिकाले स्वास्थ्य क्षेत्रमा गरेको उल्लेखनीय कामको सराहना गर्दै आउँदा दिनमा यसलाई घोषणामा मात्रै सीमित नराखी दीर्घकालीनरूपमा निरन्तरता दिन जाेड दिनुभयाे ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्