साैराहामा एक अर्ब रुपैयाँकाे लगानीमा रिसाेर्ट बन्दै, दशैँ अगाडि सञ्चालनमा आउने

भदौ १०, २०८० आइतबार २०:२१:१० | उज्यालो सहकर्मी

काठमाण्डाै – सिद्धार्थ हस्पिटालिटीले चितवनको सौराहामा लग्जरी रिसोर्ट 'सिद्धार्थ भिलासा बन्बास' दशैँ अगाडि सञ्चालनमा ल्याउने भएको छ । 'भिलासा' सिद्धार्थ ग्रुपको लग्जरी ब्रान्ड हो ।

सिद्धार्थ बुटिक होटल बौद्धमा आयोजना गरिएको एक कार्यक्रममा पर्यटन व्यवसायीहरूसँग बोल्दै सिद्धार्थ ग्रुपका अध्यक्ष लक्ष्मण न्यौपानेले याे जानकारी दिनुभयाे ।

स्थानीय व्यवसायी बासु ढुङ्गानाले निर्माण गरेको रिसोर्टमा सिद्धार्थ ग्रुपले लगानीसहित व्यवस्थापनको जिम्मेवारी लिएको छ । रिसोर्टमा २२ भिल्लामा ३४ रुम रहेका छन् । 'बर्ड वाचिङ' थिमलाई प्राथमिकता दिइएको रिसोर्टका कोठाहरू चराको नामबाट नामाकरण गरिएका छन् ।

रिसोर्ट चार बिघा क्षेत्रफलमा फैलिएको छ । पाहुनाले रिसोर्ट परिसरकै तलाउमा 'फिसिङ' गर्न सक्नेछन् । सौराहाको हात्तीसार नजिकै भएकाले रुमबाटै हात्ती देख्न सकिन्छ ।

चितवन राष्ट्रिय निकुञ्जको नजिकै रहेको रिसोर्टले जिप सफारी, हात्ती सफारी, बोट सफारी लगायतका गतिविधि पनि गराउने छ । रिसोर्टमा स्विमिङ पुल, मसाज सहितको स्पा पनि रहनेछ ।

रिसोर्ट निर्माणमा झन्डै एक अर्ब रुपैयाँ लगानीको अनुमान गरिएको ग्रुपका अध्यक्ष न्यौपानेले जानकारी दिनुभयाे । उहाँले भारतको रोजगारीबाट फर्केर २५ वर्षअघि कैलालीको टीकापुरमा सानो व्यवसायबाट शुरु गरेको व्यवसाय अहिले विस्तार भएर देशैभर फैलिएको छ ।

यसअघि ग्रुपले आफ्नो २५ औँ वर्षगाँठ पारेर भैरहवामा साढे दुई अर्ब रुपैयाँ लगानीमा ग्रुपको पहिलो पाँचतारे होटल सिद्धार्थ भिलासा सञ्चालनमा ल्याएको जनाएको छ । भैरहवाको अञ्चलपुरमा रहेको यो होटल झन्डै पाँच बिघा क्षेत्रफलमा फैलिएको ग्रुपका प्रमुख कार्यकारी अधिकृत (सीईओ) कृष्ण न्यौपानेले बताउनुभयाे ।

सिद्धार्थ हस्पिटालिटीले जुम्ला र इलाममा 'एग्रो टुरिजम' थिममा लक्जरी रिसोर्ट निर्माणको तयारीसमेत गरिरहेको छ । जसअनुसार जुम्लामा स्याउ बगानसहितको लक्जरी रिसोर्ट र इलामको चिया बगानभित्र लक्जरी रिसोर्ट निर्माण तयारी गरेको न्यौपानेले जानकारी दिनुभयाे ।

ग्रुपले नेपालगञ्ज र सुर्खेतमा चार तारे सिद्धार्थ होटल तथा चन्द्रौटामा लग्जरी रिसोर्ट 'सिद्धार्थ लुम्बिनी ग्रीन रिसोर्ट' सञ्चालन गरिरहेको छ । चिसापानीको सिद्धार्थ रिसोर्ट, पृथ्वी राजमार्गको चुम्लिङटारको सिद्धार्थ रिभरसाइड रिसोर्ट रहेका छन् ।

बौद्धको सिद्धार्थ बुटिक होटल, बिर्तामोडको चार तारे स्ट्यान्डर्डको सिद्धार्थ होटल ग्रान्ड सिटी, नुवाकोटको सिद्धार्थ होटल वाटर टावर, टीकापुरको होटल सिद्धार्थ, सुन्धाराको होटल सिद्धार्थ यसै ग्रुप अन्तर्गतका होटल हुन् ।

बुटवल, नेपालगञ्ज, तीनकुने, घोबीघाट र पुरानो बानेश्वरमा सिद्धार्थ कटेज सञ्चालनमा छन् । ग्रुपले महाराजगञ्जमा दुई वटा तथा तीनकुने र नेपालगञ्जमा एक/एक वटा गरी चार वटा एस क्याफेको आउटलेट सञ्चालनमा ल्याएको छ ।

सिद्धार्थ हस्पिटालिटीमा दुई हजार जनाभन्दा बढीले प्रत्यक्ष रोजगारी पाएका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Rabindra Lamichhane
Aug. 28, 2023, 10:56 a.m.
namc .rabindra Lamichhane 8class pass 2yard ko exception cleaner
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

साैराहामा एक अर्ब रुपैयाँकाे लगानीमा रिसाेर्ट बन्दै, दशैँ अगाडि सञ्चालनमा आउने

1 Comments

Rabindra Lamichhane

तपाईको प्रतिक्रिया

तपाईको प्रतिक्रिया